ඇදුම් ලොකු වෙන, දවස් 3 ඇග බස්සන මිලිටරි ඩයට් එක

මිලිටරි ආහාර වේල යනුවෙන් හඳුන්වන්නේ ඉතා කෙටි කාලයකදී රාත්තල් 10කින් පමණ බර අඩු කරගැනීමට පිළිපැදිය හැකි කෙටි කාලීන ආහාර පාලන ක්‍රමයකි. මෑතකදී සිදු කල අධ්‍යනයකට අනුව, අලුත් අවුරුද්දේ ප්‍රසිද්ධ යෝජනා අතර මුල් ස්ථානය ලබා ගන්නේ ශරීරයේ බර අඩු කරගැනීමයි. ඔයත් මේ පාර්ශ්වය නියෝජනය කරන කෙනෙක් නම් හොට්ඩෝග් සහ අයිස් ක්‍රීම් කෑම නිසා වැඩි වූ අමතර බර මෙම ආහාර පාලන ක්‍රමය, මිලිටරි ආහාර වේල භාවිතා කර ඉවත් කරගන්න පුළුවන්.

මෙය ප්‍රසිද්ධ වීමට හේතුව 

මෙහි වඩාත්ම සුන්දර නීතියක් වන්නේ දවස් තුනකට පමණක් සීමා වීමයි. එමඟින් නිර්දේශ කරන ආකාරයට මේ තරම් ඉතාම කෙටි කාලයකින් රාත්තල් 10 තෙක් බර අඩු කරගත හැකියි. නිවැරදිවම මෙම ආහාර සැලැස්ම අනුගමනය කළොත් පමණක් මෙම ප්‍රතිඵල ලබාගත හැකියි.

මෙය තවත් සිත ඇදගන්නා සුළු වන්නේ මෙම ආහාර පාලනය අනුගමනය කිරීම පහසු වීමයි. කැලරි ගණනය කිරීමට හෝ මිලෙන් අධික දිගු අතිරේක ලැයිස්තුවක් මිලදී ගන්න අවශ්‍ය නැහැ. මේ සඳහා අවශ්‍ය වන්නේ ළඟම වෙළඳසැලෙන් මිලට ගත හැකි අමුද්‍රව්‍යයි.  

මෙම ආහාර පාලන ක්‍රමයේ අරමුණ පරිවෘත්තිය වර්ධනය කිරීම නිසා ඔයාගේ ඉක්මනින්ම සිහින් වීමේ අවශ්‍යතාවය සැපිරෙනවා. කෙටි කලක් තුල ලබාගන්නා කැලරි ප්‍රමාණය අවම කිරීමෙන්, මේද බරෙන් ඔයා නිදහස් වෙනවා. මෙය සාමාන්‍ය නිරාහාර ආහාර පාලන ක්‍රමයක් නොවෙයි. මෙහි අන්තර්ගත කැලරි ප්‍රමාණය අවම වුණත්, ඵලදායී දිනයක් ගත කිරීමට අවශ්‍ය ශක්තිය ලැබෙනවා. මෙහි සෞඛ්‍ය සම්පන්න මේද, කාබෝහයිඩ්රේට සහ ප්‍රෝටීන් අන්තර්ගත වෙනවා.

දිනය 1

උදෑසන ආහාරය: උණුසුම් පාන කෝප්පයක් (කෝපි හෝ තේ), ටෝස්ට් කල පාන් පෙත්තක් (සම්පූර්ණ ධාන්‍ය පාන් නම් වඩා හොඳයි), රටකජු බටර් මේස හැදි 2 ක්, ජම්බල ගෙඩි භාගයක්.

දිවා ආහාරය: උණුසුම් පාන කෝප්පයක් (කෝපි හෝ තේ), ටෝස්ට් කල පාන් පෙත්තක්, බලමාලු කෝප්ප 1/2ක් 

රාත්‍රී ආහාරය: ඕනෑම වර්ගයක මස් වර්ගයකින් ග්‍රෑම් 85ක් පමණ (උතුරන ජලයෙන් හෝ හුමාලයෙන් තම්බාගත්), කොළ පැහැති බෝංචි කෝප්පයක්, කෙසෙල් ගෙඩි භාගයක්, කුඩා ඇපල් ගෙඩියක්, සහ වැනිලා අයිස් ක්‍රීම් කෝප්පයකින් ඔයාට සංග්‍රහ කරන්න. (ඔයා මේ ආහාර පාලන ක්‍රමයට අනිවාර්යයෙන්ම කැමති වේවි!)

දිනය 2

උදෑසන ආහාරය: ටෝස්ට් කල පාන් පෙත්තක් (සම්පූර්ණ ධාන්‍ය පාන් නම් වඩා හොඳයි), ගැඹුරෙන් තැම්බූ බිත්තරයක්, කෙසෙල් ගෙඩි භාගයක්.

දිවා ආහාරය: ගැඹුරෙන් තැම්බූ බිත්තරයක්, ලුණු එකතු කල ක්‍රැකර් 5ක්, කොටේජ් චීස් කෝප්පයක්.

රාත්‍රී ආහාරය: බනිස් එකක් නැතිව හොට්ඩෝග් 2ක් (මෙය තවත් සිත්ගන්නා සුළුයි නේද?), කැරට් කෝප්ප 1/2ක්, බ්‍රොකලි කෝප්පයක්, වැනිලා අයිස් ක්‍රීම් කෝප්ප භාගයක් ආවරණය කල හැකි පරිදි කෙසෙල් ගෙඩි භාගයක්.

දිනය 3

උදෑසන ආහාරය: චෙඩර් චීස් පෙත්තක් සමඟ ලුණු එකතු කල ක්‍රැකර් 5ක් සහ කුඩා ඇපල් ගෙඩියක්  

දිවා ආහාරය: ටෝස්ට් කල පාන් පෙත්තක් (සම්පූර්ණ ධාන්‍ය පාන් නම් වඩා හොඳයි), බිත්තරයක් (සැහැල්ලු දිවා ආහාරයක්)

රාත්‍රී ආහාරය: බලමාලු කෝප්පයක් සහ ඔයාගේ රාත්‍රී ආහාරයේ කැමතිම කොටස- වැනිලා අයිස් ක්‍රීම් කෝප්ප භාගයක් ආවරණය කල හැකි පරිදි කෙසෙල් ගෙඩි භාගයක්.

අපගේ නිර්දේශ 

හොඳ ප්‍රතිඵල ලබා ගැනීමට අවශ්‍ය නම්, ඉහත ආහාර පාලනය දින තුනක් සිදු කරන ඊළඟ දින 4 සාමාන්‍ය ආහාර ගන්න. නැවත බර වැඩි කරගැනීමට අවශ්‍ය නැතිනම් ඒ දවස් හතරේ අධිකව ආහාර ගන්න එපා, මිලිටරි ආහාර පාලනය සති කීපයක් එක දිගට සිදු කර බලාපොරොත්තු වන ඉලක්කය සපුරාගන්න. මෙම ආහාර සැලැස්ම සම්පූර්ණ මාසයක් සිදු කිරීමට නිර්දේශ වී තිබෙනවා. 

ජලය වීදුරුවක් පානය කිරීමෙන් දවස ආරම්භ කිරීමට පුරුදු වන්න. සෑම ආහාර වේලකටම පෙර ජලය වීදුරු 2ක් බොන්න. ජලය මඟින් බඩ පුරවන නිසා, ආහාර රුචිය අවම වන අතර දිගු වෙලාවක් බඩ පිරී ඇති බවක් දැනෙනවා. සාමාන්‍ය ලෙස ආහාර ලබාගන්නා දින හතරේදී වතුර බොන්න අමතක කරන්න එපා.

ආහාර පාලනය කිරීමට තවත් සහයකයෙකු සොයා ගන්න, එමඟින් එකිනෙකාව පොළඹවාගත හැකියි. මෙමඟින් සාර්ථක වීමේ හැකියාව වැඩි වෙනවා.

සෑම කෙනෙකුටම බරපතල ලෙස කැලරි අවම කිරීම සුදුසු වන්නේ නැහැ. මේ නිසා අලුත් ආහාර පාලන ක්‍රමයක් ආරම්භ කිරීමට පෙර වෛද්‍ය උපදෙස් ලබාගන්න. ආහාර පාලන ක්‍රමයක් ඔයාට ගැලපෙනවාද නැතිද යන්න සෞඛ්‍ය මත සහ වෛද්‍ය නිර්දේශ මත රඳා පවතිනවා.
මිලිටරි ආහාර පාලන ක්‍රමය පිළිබඳව ඔයාගේ අදහස් මොනවාද? ඔයා මීට පෙර එය උත්සහ කර තිබෙනවාද?

Leave a Reply

Your email address will not be published.