ඔබට රාත්‍රීයේ හොද නින්දක් නොළැබීමට පුදුමාකාර හේතූන් 12 ක්

රාත්‍රී නින්ද කියන්නෙ අපි හැමෝගෙම ශරීරවලට වගේම මනසටත් අත්‍යවශ්‍යම දෙයක්. හරිහැටි නින්දක් නොමැතිකම නිසා අවදි වුණු ගමන්ම අපිට වෙහෙසකර බවක් දැනෙනවා. ඒ වගේම ශරීරයේ බර වැඩි වෙන්නත් ඒක බලපානවා.

අද අපි ඔයාට කියන්නෙ සුවසේ නිදාගැනීමට බාධා ඇති කරන හේතු සහ ඒවාගෙන් මිදෙන්න ඔයා මොනවද කරන්න ඕන කියලයි.

12. වැරදි වායු උෂ්ණත්වය

උණුසුමෙන් නිදා ගැනීම ප්‍රසන්න වුණත්, ප්‍රශස්ත උෂ්ණත්වය කියන්නෙ 60-75°F (15-23°C) ට යි.

විසඳුම: සැහැල්ලු බ්ලැන්කට්ටුවක් පොරවන්න. රාත්‍රියේදී එය උණුසුම් එකක් බවට පත් කරන්න.

11. ශාරීරික ව්‍යායාම

ව්‍යායාම මගින් ස්නායු පද්ධතිය උත්තේජනය කරනවා. ඒ නිසා ජිම් එකට ගිහින් ආවම නින්ද යන්නෙ නැති වෙන්න පුලුවන්.

විසඳුම: නින්දට යාමට පැය 3කට පෙර ව්‍යායාම කරන්න.

10. කාලසටහනක් නොමැතිකම

සම්පූර්ණ විවේකයක් සඳහා, අපේ ශරීරයට නිශ්චිත කාලයක් අවශ්‍ය වෙනවා. ඊට අමතරව, ප්‍රමාණවත් නින්දක් කල්තියා ලබා ගැනීම හෝ සති අන්තයේ ප්‍රමාණවත් නින්දක් ලබා ගැනීම කියන්නෙ තේරුමක් නැති දෙයක්.

විසඳුම: සෑම රාත්‍රියකම එකම වේලාවට නින්දට යන්න. වඩාත් සුදුසු වන්නේ රාත්‍රී 10 සහ පාන්දර 1 අතර කාලයයි.

09. ආලෝකය

පහනකින් ලැබෙන කුඩාම ආලෝකය හෝ විදුලි උපකරණවල LED විදුලි පහන් පවා නින්ද අවුල් කරන්න හේතු වෙනවා. නිවන කාමරය අඳුරු වන තරමට හොද නින්දක් ලැබෙනවා.

විසඳුම: සියලු ආලෝක ප්‍රභවයන් ඉවත් කරන්න. නැත්නම් ඇස් දෙකට නිදි ආවරණ පැළඳ ගන්න.

08. ශබ්දය

ඕනෑම ශබ්දයක්, එය පාරේ වාහනවල ශබ්දය හෝ අසල්වාසීන්ගේ මහ හඬින් කතා කිරීමක් වෙන්න පුලුවන්. මේ වගේ ශබ්ද මගින් ශරීරය විවේක ගැනීම වළක්වනවා.

විසඳුම: ඉයර් ප්ලග් භාවිතා කරන්න, නැතහොත් අනෙක් ශබ්ද වලින් මිදීමට “සුදු ශබ්දය” ක්‍රියාත්මක කරන්න.

07. වැරදි අරමුණක් සඳහා ඇඳ භාවිතා කිරීම

ගොඩක් අය එයාලගෙ ඇඳන් නිදා ගැනීමට විතරක් නෙවෙයි, වැඩ කරන ස්ථානයක් විදිහටත් භාවිතා කරනවා. එහි ප්‍රතිඵලයක් ලෙස නින්දේ ගුණාත්මක භාවය අඩු වෙනවා.

විසඳුම: නිදාගැනීම හැර අනෙක් වැඩ ඔක්කොම නිදන කාමරයෙන් පිටත කරන්න.

06. කැෆේන්

කැෆේන් මගින් පහසුවෙන් නින්ද යාම වළක්වන බව අපි හොඳින්ම දන්නවා. එය කෝපි වල විතරක් නෙවෙයි තේ, චොකලට් සහ වෙනත් නිෂ්පාදනවලත් තියන බව අමතක කරන්න එපා.

විසඳුම: හවසට කැෆේන් අඩංගු ආහාර අඩුවෙන් ගන්න.

05. නිදා ගැනීමට සැලැස්වීම

ගොඩක් අය නින්දට යන්නෙ නිදා ගැනීමට උවමනාවක් නැතුවයි. ඉබේම නින්ද ඒවි කියලා බලාපොරොත්තුවෙන් නින්දට යන්න එපා.

විසඳුම: ඔයාට විනාඩි 20කින් නිදා ගන්න බැරි නම්, ඇඳෙන් නැඟිටලා පොතක් කියවන්න. ෆෝන් එකෙන් පොත් කියවන්න එපා. නැත්නම් වෙනත් විවේකී යමක් කරන්න.

04. මත්පැන්

ඇල්කොහොල් මගින් අපට වේගයෙන් නිදා ගැනීමට ඉඩ සලසනවා වුණත්, වේගවත් අක්ෂි චලන නින්දට බාධා කරනවා. ඒ වගේම ඔයාව වෙහෙසට පත් කරන අතර ඔක්කාරය ඇති කරන්නත් හේතු වෙනවා.

විසඳුම: නින්දට පැය 2 කට පෙර මත්පැන් පානය නවත්වන්න. හොඳම දේ තමයි, සම්පූර්ණයෙන්ම මත්පැන් පානය නතර කරන එක.

03. මනස අධික ලෙස වෙහෙසවීම

ගොඩක් වෙලාවට නින්දට යන්න කලින් අපේ මොළයට “නැවත පණගැන්වීමට” සහ විවේක ගැනීමට අපි ඉඩ දෙන්නෙ නෑ. එමඟින් නින්දේ ගුණාත්මක භාවය අඩු වෙනවා.

විසඳුම: නින්දට කලින් ටික වෙලාවක් ඔයාගෙ මනස සැහැල්ලු කරගන්න උත්සාහ කරන්න.

02. පුරුද්දක් නොමැතිකම

රාත්‍රී නින්දට පෙර චාරිත්‍ර වාරිත්‍ර නොමැතිකම උදේට විවේකයක් නොදැනීමට තවත් හේතුවක්.

විසඳුම: නිශ්චිත ක්‍රියා පිළිවෙලකට ප්‍රතික්‍රියා කිරීමට ශරීරය පුහුණු කරන්න: උදාහරණයක් විදිහට, උණුසුම් වතුරෙන් ස්නානය කරන්න. (ඉතා සිසිල් හෝ උණුසුම් නොවේ) සංගීතයට සවන් දෙන්න. තද උණු වතුරෙන් ස්නානය කරන්න එපා. එය ශරීරයේ පරිවෘත්තීය වේගවත් කරන අතර නිදා ගැනීමට අපහසු කරවනවා.

01. නිදාගන්න ඉරියව්

ඔයා තනිවම හෝ සහකරු සමග නින්දට ගියත්, අපහසුතාවයට පත්වෙන ඉරියව්වක නින්දට යාම මගින් ඔයාගෙ ශරීරයට ආතතියක් ඇති වෙනවා. එතකොටත් හරියට නින්ද යන්නෙ නෑ.

විසඳුම: ඔයාට වඩාත් සුවපහසුයි කියලා හිතෙන ඉරියව්වකින් නින්දට යන්න. නින්දට වැටෙන තුරු එම ඉරියව්ව වෙනස් නොකිරීමට උත්සාහ කරන්න.

Leave a Reply

Your email address will not be published.