ඔබව රෑ මැද ඇහැරුනොත් ඉක්මනින් නැවත නිදාගැනීමට ක්‍රම 7 ක්

ඔයාට නිදාගැනීමේ ගැටලුවක් තියනවා නම් භාවනා කරන්න හෝ පොතක් බලන්න පටන් ගන්න කියලා හැමෝම ඔයාට කියනවා ඇති. හැබැයි ඔයාට නින්ද ගිහින් තිබිලා රෑ මැද ඇහැරුණොත් ආයෙත් නිදාගන්න මේ ක්‍රම භාවිතා කලාට හරියන්නෙ නෑ. ඒ වෙලාවට ඕන වෙන්නෙ ආයෙත් නිදාගන්න එක.

මේ වගේ මැදියම් රෑ නින්දෙන් අවදි වුණාම ආයෙත් නින්ද යන්නෙ නැත්නම් නිදිමත ඇතිකරගන්න කරන්න පුලුවන් දේවල් 7 ක් ගැන තමයි අද අපි ඔයාට කියලා දෙන්නෙ.

01. ඇඟිලි තද කිරීමේ ව්‍යායාම කිහිපයක් කරන්න.

හොඳ මාංශ පේශි ලිහිල් කිරීමේ ව්‍යායාම කිහිපයක් කිරීමෙන් ඔයාගෙ ශරීරය ලිහිල් කිරීමට සහ ආතතියෙන් මිදීමට උදවු වෙනවා. කකුල් දෙක එකට මිරිකීමෙන් නම්‍ය කර ඒවා සෙමින් ලිහිල් කරන්න. මීට අමතරව, ඔයාට ඔයාගෙ කකුලේ ඇඟිලි වක් කරලා, ඒවා ආයෙත් දිගහරින්න. ඇඟිලි ලිහිල් කිරීමට පෙර හැම ස්ථානයකම තත්පර 10ක් තබා ගන්න.

02. සුරතලාව ඇඳෙන් ඉවත් කරන්න.

සුරතල් සතෙක් එක්ක නිදාගන්න එකෙන් හොඳක් වගේම නරකකුත් වෙන්න පුලුවන්. අධ්‍යයනයක් මගින් පෙන්වා දී තෙනෙන ආකාරයට, සුරතල් සතුන් අපේ ආතති මට්ටම් අඩු කර ගැනීමට උපකාරී වෙනවා. ඔයාගෙ සුරතලා හොඳින් නිදාගන්න කෙනෙක් නම් ප්‍රශ්නයක් නෑ. හැබැයි එයා රෑ පුරාම ඇඳේ එහාට මෙහාට පෙරළෙමින් ඔයාගෙ නින්දට බාධා ඇතිකරනවා නම් ඔයාට එයාව ඇඳෙන් ඉවත් කරන්න වෙනවා. ඒ වගේම අසාත්මිකතා වලින් පෙළෙන අය, සුරතල් සතුන් ඇඳ මතට නොගෙන සිටීම තමයි වඩාත් හොඳ.

ඔයාගෙ සුරතලා ඔයාගෙ නින්ද අවුල් කරන බව ඔයාට හැඟෙනවා නම්, ඔයත් එක්ක නිදා නොගැනීමට එයාව පුහුණු කරන්න. එයාට වෙනම ඇඳක් ලබා දී එහි නිදන්නට උගන්වන්න.

03. ෆෝන් එක අතට ගන්නවා වෙනුවට පොතක් ගන්න.

මෙලටොනින් කියන්නෙ නින්ද සඳහා අවශ්‍යම හෝමෝනයක්. ඔයා මධ්‍යම රාත්‍රියේ අවදියෙන් ඉන්නකොට, ඔයාගෙ මෙලටොනින් ප්‍රමාණය අඩු වෙනවා. දුරකථන භාවිතයෙන් මෙලටොනින් මට්ටම තවත් අඩු කරනවා. මොකද, දුරකථන තිරයෙන් ලැබෙන ආලෝකය මෙලටොනින් තව තවත් අඩු කරලා ඔයාට නැවත නිදා ගැනීමට නොහැකි කරනවා. ඒ නිසා රෑට ෆෝන් එක කාමරේටවත් ගේන්නෙ නැතුව ඉන්න එක තමයි හොඳම දේ.

ඔයාට නැවත නින්දට යාමට උදවු කිරීමට උත්සාහ කළ හැකි දෙයක් තමයි පොතක් කියවීම. එතකොට ඔයාට ලයිට් එක ඔන් කරන්න වෙනවා. හැබැයි කඩදාසි මත තියන වචන ඔයාව නිදිමත ඇති කරන්න උදව් වෙනවා.

04. ඇල්මැරුණු හෝ සීතල වතුරෙන් ස්නානය කරන්න.

ගොඩක් වෛද්‍යවරුන් නින්දට යාමට පැයකට පමණ පෙර ස්නානය කිරීමට නිර්දේශ කරනවා. ඒකට හේතුව තමයි, නිදිමත දැනීම සඳහා, අපේ ශරීර උෂ්ණත්වය අඩු විය යුතු වීම. ඒ නිසා, ඔයා නින්දට යන්න කලින් ස්නානය කරනවා නම්, ඔයාගෙ ශරීරයට ශක්තියක් දැනෙන අතර නින්දට සූදානම් නැති ගතියක් එනවා.

සමහර විට, අපි මධ්‍යම රාත්‍රියේ ඇහැරෙන කොට අපට උණුසුම් බවක් දැනෙනවා. ඇල්මැරුණු හෝ සීතල වතුරෙන් ස්නානය කිරීමෙන්, අපට අපේ ශරීර උෂ්ණත්වය අඩු කිරීමට සහ මනස පැහැදිලි කරගන්නත් පුලුවන්. එය අපට ඉක්මනින් නින්දට වැටීමට උපකාර කරනවා.

05. ලැවෙන්ඩර් සුවඳක් ආශ්වාස කරන්න. නැත්නම් ලැවෙන්ඩර් තේ එකක් බොන්න.

ලැවෙන්ඩර්, නින්ද නොයාම වැඩිදියුණු කිරීමට සහ නිදාගැනීමේ ගැටළු ඇති පුද්ගලයින්ට උපකාර කරන බව ඔප්පු වෙලා තිබෙනවා. අධ්‍යයනයක් මගින් හෙළි වී තිබෙන්නේ ලැවෙන්ඩර් තෙල් බිංදු 6 සිට 8 දක්වා ගැනීමෙන්, නින්දට අහිතකර බලපෑම් ඇති නොකර නිදා ගුණාත්මක භාවය සහ කාලය යන දෙකම වර්ධනය කරගත හැකි බවයි. ඔයා ලඟ අත්‍යවශ්‍ය තෙල් නිස්සාරකයක් නැත්නම්, ලැවෙන්ඩර් සගන්ධ තෙල් බිංදු කිහිපයක් නිදන කාමරයේ තැනක තියන්න.

ඒ විතරක් නෙවෙයි ඔයාට ඔයාගෙ නිදන කාමරයේ ලැවෙන්ඩර් පැළයක් තියාගන්නත් පුලුවන්. නැත්නම්, ලැවෙන්ඩර් තේ කෝප්පයක් බොන්න. එයින් ඔයාගෙ හෘද ස්පන්දන වේගය අඩු කරන්නත් උදව් වෙනවා.

06. මේස් පළඳින්න.

මේස් වලට අපේ පාදවල රුධිර වාහිනී ප්‍රසාරණය කිරීමට හැකියාව තියනවා. කුඩා පර්යේෂණයකින් පෙන්නුම් කළේ ඇඳේදි මේස් පැළඳීමෙන් නින්දේ ගුණාත්මකභාවය සහ එහි කාලසීමාව වැඩි දියුණු වන බවයි. කොහොම වුණත් ඕනෑම මේස් යුගලයක් පැළඳීමෙන් ඔයාට හොඳ නින්දක් ලබාගන්න පුලුවන්. හැබැයි, රුධිර සංසරණයට බාධා කරන තද මේස් පැළඳ නොගැනීමට වග බලා ගන්න.

කැෂ්මියර් සහ මෙරිනෝ ලොම් මේස් ඔබේ පතු උණුසුම් කර එවිට ඔබව සුවපහසුව තබීමට හොඳම ලෙස සැලකේ.

07. නැගිට විනාඩි 20කට පසු යමක් කරන්න.

නින්ද යන්නෙ නැත්නම් ඇඳට වෙලා නිකම්ම වාඩි වී වෙලා ඉන්නවා වෙනුවට, නැඟිටලා වෙනත් කාමරයකට යන්න. පුටුවක හෝ ඇඳක සුවපහසු ලෙස වාඩි වී විවේකීව යමක් කරන්න. සංගීතයට සවන් දීම හෝ පොතක් කියවීම කරන්න පුලුවන් නම් ගොඩක් හොඳයි. හැබැයි, වැදගත්ම දේ තමයි ඔයාගෙ ඇඳ හැර වෙනත් කාමරයකට යන එක.

ඔයා ඇඳේම ඉන්නකොට, ඔයාගෙ හිත තාමත් අවදියෙන් ඉන්නවා. ඒ නිසා තමයි අපි කියන්නෙ වෙන කාමරයකට යන්න කියලා. ඒත් වැඩ කිරීම වගේ ආතති සහගත කිසිම දෙයක් කරන්න එපා. ඒ දේවල් කරන්න උදේට වෙලාව තියනවා.

Leave a Reply

Your email address will not be published.