ජීවිතයේ සිදුවිය හැකි අපහසුතාවයන් වලින් මිදීමට උපක්‍රම 8 ක්

අපි හැමෝම එදිනෙදා ජීවිතයේ සමහර අවස්ථාවලදී විවිධ හේතු නිසා අපහසුතාවයට පත් වෙනවා. සමහර විට පිරිසක් එක්ක ඉන්නකොට ලැජ්ජාවක් හෝ බයක් දැනීම, වැදගත් රැස්වීමක් අතරතුර කිවිසුමක් යැවීමට අවශ්‍ය වීම, ඉක්කා වැටීම වගේ දේවල් නිසා අපි ආතතියට පත් වෙනවා. ඒත් සරල උපක්‍රම මගින් මේ තත්ව මගහරවාගන්න පුලුවන් බව ඔයා දැනගෙන හිටියද?

ඉතින් අද අපි ඔයාට කියන්නෙ අපි හැමෝම කවදා කොතැනකදි හරි පත් වෙන්න ඉඩ තියන පොදු අපහසු තත්ත්වයන් කිහිපයක් වළක්වා ගන්නේ කොහොමද කියලයි.

01. උගුරේ කිති කැවීම නැවැත්වීමට කන හූරන්න.

උගුරේ කිති කැවෙන සංවේදනය පොඩි අපහසුතාවයක් වගේ පෙනුණත්, ඇත්තටම ඒක හරිම කරදරකාරී හැඟීමක්. ඔයාට මේ වගේ තත්වයකට මුහුණ දෙන්න සිදුවුණොත්, එහි ස්නායු උත්තේජනය වන පරිදි කන හූරන්න. එමගින් කිති කැවීම සමනය කරන මාංශ පේශි කැක්කුමක් ඇති කරනවා.

02. අනවශ්‍ය කිවිසුම් යාමක් වැලැක්වීමට දිව දත්වලට තද කරන්න.

රැස්වීමක ඉන්න අතර කිවිසුමක් යන්න එනවා නම්, ඒ වෙලාවෙ කිවිසුම පිට කරන්න අපහසු නම් ඒකට ඔයාගෙ දිව භාවිත කරන්න. තත්පර 5 සිට 10 දක්ව දිවෙන් කටේ උඩු තල්ල කිති කවන්න. එවිට කිවිසුම් යාමට තිබෙන ආශාව පහව යනවා.

මේකට තවත් විකල්පයක් විදිහට, ඔයාට ඔයාගෙ ඉස්සරහ දත් දෙකෙන් දිව තද කරගෙන ඉන්නත් පුලුවන්.

03. විශ්වාසයක් නොමැති බවක් දැනෙනවා නම්, “තත්පර 3 ඇස් සම්බන්ධතා” රීතිය අනුගමනය කරන්න.

පිරිසක් එක්ක ඉන්නකොට ඔයාට ලැජ්ජාවක් හෝ නොසන්සුන් බවක් ඇතිවෙනවා නම්, ඒ අපහසුතාවය විශ්වාසයක් බවට පත් කරගැනීමට ඔයාගෙ ශරීර භාෂාව භාවිතා කරන්න. බිම හෝ ඉවත බැලීම වෙනුවට, කණ්ඩායමේ සියල්ලන්ට අවම තත්පර 3 ක ඇස් සම්බන්ධතාවක් දෙන්න.

04. කරකැවිල්ලක් දැනෙනවා නම්, අත්ල මැද තද කරන්න.

ඔයාට කරකැවිල්ල, කනස්සල්ල, හෝ කට ගැස්මක් දැනෙනවා නම්, මේ උපක්‍රමය උත්සාහ කරන්න. අත්ල මැද තිබෙන පීඩන ලක්ෂ්‍යය තද කළාම කරකැවිල්ල අඩු කරගන්න පුලුවන්.

05. ඉක්කාව නැවැත්වීමට මාපටැඟිල්ල මුඛය තුළට දමා පිඹින්න.

ඉක්කාවක් ඇතිවුණාම ඒක නවත්තගන්න නම්, අතේ මාපටැඟිල්ල කට ඇතුළට දමා ඇඟිල්ල තොල්වලින් තදකරගෙන හයියෙන් පිඹින්න.

මේ සඳහා ඔයාට උත්සාහ කළ හැකි තවත් විසඳුමක් තමයි, වතුර පානය කිරීම. ඒත් එක දිගට ගොඩාක් වතුර බොන්නත් එපා.

06. වැදගත් සිදුවීමකට මොහොතකට පෙර බයක් දැනෙනවා නම් ශරීරයේ සියලුම මාංශ පේශී තද කරන්න.

වැදගත් සිදුවීමකට මොහොතකට කලින් ආතතිය දැනීම සාමාන්‍ය දෙයක්. ඒත් ඒකෙන් ඔයාගෙ අවධානය බිඳිලා ඔයාව නොසන්සුන් වෙනවා. ඒ වගේ වෙලාවට ඔයාගෙ මුහුණ, උරහිස් සහ අත්වල සියලුම මාංශ පේශී තද කරගන්න. අත් දෙක එකට තද කරගන්න. දැන් විවේක ගන්න. ගැඹුරු හුස්මක් ගන්න.

07. කඳුළු නැවැත්වීමට උඩ බලාගෙන හුස්ම අල්ලාගෙන ඉන්න.

ඔයාට සංවේදී බවක් දැනෙන නමුත්, උදාහරණයක් විදිහට චිත්‍රපට ශාලාවක් වගේ තැනකදි, ඔයාගෙ කඳුළු අනිත් අය දකින්නෙ නැති වෙන්න මේ ක්‍රමය උත්සාහ කරලා බලන්න. උඩ බලාගෙන තත්පර කිහිපයක් හුස්ම අල්ලාගෙන ඉන්න. දැන් හෙමින් හුස්ම ගන්න.

08. කාංසාව පරාජය කිරීම සඳහා දුක් වෙන්න විනාඩි 15ක් වෙන් කරන්න.

කනස්සල්ල කළමනාකරණය කරගන්න එක අපිඅට ගොඩක් වැදගත්. ඔයට්ට ඔයා දුක් වෙන හේතු ගැන හිතන්න නිශ්චිත කාල සීමාවක් වෙන් කර ගැනීමෙන් කාංසාව අඩු කරගන්න් පුලුවන් බව මනෝවිද්‍යාඥයන් කියනවා. ඒ නිසා හැම දවසකම ඒ සඳහා මිනිත්තු 15ක් කැප කරන්න. ඒත් නින්දට යන්න කලින් වේලාවක් තෝරා නොගැනීම වඩාත් සුදුසු බව මතක තබා ගන්න.

Leave a Reply

Your email address will not be published.