දිනපතා සූර්ය නමස්කාරය කිරීමෙන් ඔබේ සිරුරට ලැබෙන දේවල් 9 ක්

සංස්කෘත භාෂාවෙන් සුර්ය නාමකකාර් කියලා හැඳින්වෙන සූර්ය නමස්කාරය කියන්නෙ, පුනරාවර්තන ආසන 12 කින් යුත් ව්‍යායාම කට්ටලයකටයි. ඒවා මගින් අපේ සෞඛ්‍යයට ප්‍රතිලාභ රාශියක් ලබාගන්න පුලුවන්. සමහර සූර්ය නමස්කාර ඉරියව් මගින් අපේ ශරීරයේ රුධිර ප්‍රවාහය සහ සංසරණය වැඩි දියුණු කරනවා. ඒක ඉතාම හොඳ ව්‍යායාමයක්. වයස් භේදයකින් තොරව ඕනම කෙනෙක්ට වෙනස් කරගෙන කරන්න පුලුවන් ව්‍යායාම එකතුවක් තමයි මේ.

ඉතින් අද අපි ඔයාට කියලා දෙන්නෙ සූර්ය නමස්කාරය කිරීමෙන් ඔයාගෙ ශරීරයට ලැබෙන සෞඛ්‍යමය ප්‍රතිලාභ මොනවද කියලයි. ලිපිය අවසානයේදී, සූර්ය නමස්කාරයේ එන ව්‍යායාම අංග 12 කරන ආකාරයත් අපි ඔයාට කියනවා.

01. විනාඩි 30ක් තුළ කැලරි 400කට වඩා දහනය කරනවා.

තනි සූර්ය නමස්කාරයක් කියන්නෙ ආසන 12 සහිත ඉරියව් කට්ටලයකටයි. මේ ආසන 12 එක වටයක් ලෙස හඳුන්වනවා. හැම සූර්ය නමස්කාර වටයක්ම වේගයෙන් කළොත් කැලරි 13.90 ක් පමණ දහනය වන අතර සම්පූර්ණ වීමට තත්පර 30 සිට මිනිත්තුව දක්වා ගත වෙනවා. එක් වටයක් සම්පූර්ණ කිරීමට මිනිත්තුවක් ගත කර විනාඩි 30 කින් වට 30 ක් කළොත්, කැලරි 417ක් දහනය වෙනවා.

මේ වේගය සහ සූර්ය නමස්කාර ගණන පුහුණු වෙන්න නම්, වෙලාව සහ නිසි පුහුණුවක් ලබාගන්න ඕන. පටන් ගන්නකොට අඩු වේගයකින් කරන්න පටන් ගන්න. අඩු වේගයකින් කරන පුරුදුවලින් පවා සමාන සෞඛ්‍ය ප්‍රතිලාභ ලැබෙනවා.

02. මාංශ පේශි ශක්තිය සහ නම්‍යශීලී බව එක් කරන සම්පූර්ණ ශරීර ව්‍යායාමයක්.

සූර්ය නමස්කාරය ඉක්මන් හෝ මන්දගාමීව කරන්න පුලුවන්. ඉක්මනින් සිදු කළොත්, එය ඇවිදීමට වඩා හොඳ නමුත් දිවීමට වඩා තීව්‍රතාවයෙන් අඩු, මධ්‍යස්ථ තීව්‍රතාවයක් සහිත හෘද ව්‍යායාමයක් බවට පත්වෙනවා. එය ශරීරයේ සියලුම ප්‍රධාන මාංශ පේශි කණ්ඩායම් භාවිතා කරන අතර බර අඩු කර ගැනීමටත් උපකාරී වෙනවා.

මේ ව්‍යායාම මාංශපේශී දිගු කිරීමට උපකාර වන අතර සන්ධි ශක්තිමත් කරනවා.

03. සූර්ය නමස්කාරය මගින් පරිවෘත්තීය හා ජීර්ණය පාලනය කරනවා.

උදේට හිස්බඩ ශරීරයේ ආහාර ජීර්ණ අවයව සම්පීඩනය කිරීම සහ දිගු කිරීම සිදු කළොත්, ඒක ආහාර ජීර්ණ පද්ධතියේ ක්‍රියාකාරිත්වය වැඩි දියුණු කිරීමට උපකාරී වෙනවා.

වඩා හොඳ ආහාර දිරවීමත් සමඟම, මධ්‍යස්ථ වේගයකින් යුත්, නිතිපතා පුරුදු කරන ලද ඕනෑම ව්‍යායාමයක් ලෙස සූර්ය නමස්කාරයක් මගින් පරිවෘත්තීය වැඩිදියුණු කරගන්න පුලුවන්.

04. තයිරොයිඩ් ක්‍රියාකාරිත්වය සහ ශරීරයේ අනෙකුත් හෝමෝන වැඩි දියුණු කරනවා.

අධ්‍යයනවලින් පෙනී යන්නේ සූර්ය නමස්කාර කිරීම මගින් ශරීරයේ තයිරොයිඩ් මට්ටම සමතුලිත කළ හැකි බවයි. 2 වන වර්ගයේ දියවැඩියාව තියන අය තුළ ශරීරයේ ඉන්සියුලින් මට්ටම් පාලනය කිරීම, ශරීරයේ නිපදවන අනෙකුත් හෝමෝන පාලනය කිරීම, සහ ඔසප් චක්‍ර පාලනය කිරීමටත් එය උපකාරී වෙනවා.

05. හෘද වාහිනී සහ ස්නායු සෞඛ්‍යය වැඩි දියුණු කරනවා.

අධ්‍යයනයකට අනුව, නිතිපතා සූර්ය නමස්කාරය කිරීම ප්‍රගුණ කිරීම මගින් කොලෙස්ටරෝල් මට්ටම් පාලනය කරන බව හොයාගෙන තියනවා. අනෙකුත් අධ්‍යයනවලින් පෙන්නුම් කරන්නේ අඩු කැලරි ප්‍රමාණයක් දහනය කරන මධ්‍යස්ථ-වේග පුරුදු මගින් පවා හෘද වාහිනී ක්‍රියාකාරිත්වය වැඩි දියුණු කරන බවයි.

මෙමගින් සිදුවෙන්නෙ හිරුට ආචාර කිරීම හෝ යෝග කිරීම විතරක්ම නෙවෙයි. ඕනම ව්‍යායාමයක් මගින් හෘද සෞඛ්‍යය වැඩි දියුණු වෙනවා. ඒ නිසා ඔයාගෙ ජීවන රටාව සහ සෞඛ්‍යය තත්වය වැඩි දියුණු කරන අභ්‍යාස වල නිරත වෙන එක ගොඩක් වැදගත්.

06. ඕනම වයසකදී, පහසුවෙන් සිදුකරන්න පුලුවන්.

සූර්ය නමස්කාරය එහි මුල් ස්වරූපයේ ව්‍යායාමයක්. ඒත් ඒක වෙනස් කරලා වැඩිහිටියන්ට හෝ තුවාල සහ චලනය සම්බන්ධ ප්‍රශ්න තියන අයට පහසු කරගන්න පුලුවන්. කැලරි අඩුවීම සැලකිය යුතු තරම් නොවිය හැකි නමුත්, ඕනෑම ප්‍රමාණයකින් හෝ ව්‍යායාමයකින් හැම විටම ප්‍රතිඵල ලැබෙනවා.

07. නිතිපතා පුහුණුව මගින් ප්‍රතිශක්තිය වැඩි දියුණු වෙනවා.

යෝගා මගින් මිනිසුන්ගේ ප්‍රතිශක්තිකරණ මට්ටම ඉහළ නංවා ගැනීමට උදව් වෙනවා. නිතිපතා සූර්ය නමස්කාරය පුරුදු කිරීම වඩා හොඳ සෞඛ්‍යයක් ලබාගන්න වගේම ශාරීරික ක්‍රියාකාරකම් වැඩිදියුණු කරගන්නත් උපකාරී වෙනවා. එමගින් ප්‍රතිශක්තියත් වැඩි දියුණු කරනවා.

08. වඩා හොඳ නින්දක් සහ මානසික සමතුලිතතාවයක් ලබාගන්න උදව් වෙනවා.

වෙනත් වායුගෝලීය ව්‍යායාම කරන අයට වඩා යෝගා කරන අයට වඩා හොඳ නින්දක් ලැනෙන බව අධ්‍යයනයන් මගින් පෙන්නුම් කරනවා. හිස කොඳු ඇට පෙළට වඩා පහත් වූ සූර්ය නමස්කාරය විධිවල ප්‍රතිලෝමයේ ඉරියව් වලදී රුධිරය හිසට පැමිණෙනවා. මෙය නින්ද වැඩි දියුණු කරන අතර මානසික තීව්‍රතාවයත් තියුණු කරනවා.

09. සමස්ත සෞඛ්‍යය වැඩි දියුණු කර ශක්ති මට්ටම වැඩි කරනවා.

සූර්ය නමස්කාරය කිරීම ප්‍රගුණ කිරීම අපේ ජීවිතයේ හැම අංශයකටම ප්‍රයෝජනවත් වෙනවා. එය මානසික සහ ශාරීරික සෞඛ්‍යය වැඩි දියුණු කරනවා. අධ්‍යයනයන් පෙන්වන්නේ එය ආතතිය අඩු කරන බවයි. මේ ව්‍යායාමය පෘථිවියේ සියලු ශක්ති ප්‍රභවයට ආචාර කිරීමක් ලෙස සලකනවා වගේම, එය ඔයාව වඩාත් ශක්තිමත් සහ සමබර කරන්නත් උදව් වෙනවා.

10. සූර්ය නමස්කාරය කරන්නේ මෙහෙමයි.

ඉහත පින්තූරයේ වමේ සිට දකුණට පෙන්වා තිබෙන ආකාරයට සූර්ය නමස්කාරයේ පියවර 12 සිදු කරනවා.

  1. ප්‍රනාමාසන (යාච්ඤා ඉරියව්ව): පාද තරමක් ඈත් කර සිට ආරම්භ කරන්න. දෑත් නමා, ඒවා පපුව වෙත ගෙන හිස නමන්න. සන්සුන්ව හුස්ම ඉහළට ගනිමින් පිට කරන්න.
  2. හස්තාඋට්ටාසන (නැගෙන පසුපසට නැමීම): ගැඹුරු හුස්මක් ගැනීමෙන් ආරම්භ කර ත් දෙක හිසට ඉහළින් ඔසවන්න. කන් දෙක අත් අතර කේන්ද්‍රගතව පවතින බවට වග බලා ගන්න. ශරීරය පසුපසට නැමී බඩට ඇදෙන්න තියාගන්න. මේ ඉරියව්ව සහ ඔබේ හුස්ම තත්පර 10-15 කට අල්ලාගෙන ඉන්න.
  3. පාදහස්තාසන (ඉදිරියට නැමීම): හුස්ම පිට කර ඉදිරියට නැමෙන්න. කොඳු ඇට පෙළ දිගු කරන්න. ඇඟිලි ස්පර්ශ කරන්න. ඔයාට පහළට යා හැකි නම්, දණහිස් කෙළින් තබාගෙන අත් බිම සමතලා කරන්න. දණහිස් නැමීමෙන් තොරව ඔයාට පුලුවන් තරම් දුරට යන්න.
  4. අශ්වාසංචාලසන (අශ්වසරණ ඉරියව්ව): දැන් හුස්ම ඉහළා ගෙන වම් කකුල පිටුපසට ඔසවන්න. අත් දෙක බිම තබා ගන්න. ඇඟිලි සහ දණහිස බිම තබා එකවරම, දකුණු දණහිස නමන්න. ඉනෙන් ඉහළ කොටස කෙළින් තබා ගන්න. දකුණු දණහිස අත් අතර තබාගන්න. හැකිතාක් ඉහළ බලන්න. හුස්ම පිට කරමින් ඇස් ඉහළට, සූර්යයා දෙසට හරවන්න.
  5. කුම්භකසන (ලෑලි ඉරියව්ව): හුස්ම ඉහළට ගෙන දකුණු පාදය පසුපසට ගෙනයමින් වම් දණහිස දකුණට සමගාමීව ඇඟිලි බිම තබා ඔසවන්න. අත් දෙක බිම සමතලා කර තබා ගනිමින් උකුල් සහ කොඳු ඇට පෙළ පහත් කරන්න. අත් දෙක කෙළින් තබා ශරීරය බිමට සමාන්තරව මේසයක් හෝ ලෑල්ලක් ආකාරයට තබාගන්න. දැන් හුස්ම පිට කරන්න.
  6. අෂ්ටාංග නමස්කාර් (අට-ලක්ෂ්‍ය ආචාරය): වැලමිට නමන අතරතුර හුස්ම ඉහළට ගනිමින් දණහිස බිමට පහත් කරන්න. හුස්ම පිට කර නිකට සමග පපුව බිම ස්පර්ශ කරන්න. බිම සමඟ සම්බන්ධතා වළක්වා ගැනීම සඳහා ආමාශය සහ උදරය ඇදගෙන ඉන්න.
  7. බුජංගාසන (නාග ඉරියව්ව): ආශ්වාස කරමින් ඉදිරියට යන්න. අත් දෙක කෙළින් කිරීමට පෙර ශරීරය කොඳු ඇට පෙළෙන් ආරම්භ කරන්න. පහළ ශරීරය ශ්‍රෝණිය සිට පේළියක තබා කකුල් දෙක බිම සමතලා කරන්න. උරහිස් එල්ලා නොගැනීමට මතක තබා ගන්න.
  8. පාර්වටාසන (පහළට යන බල්ලා): හුස්ම පිට කර ශරීරය උකුල් වලින් ඔසවන්න. දණහිස් කෙළින් තබාගෙන බිම සමතලාව වැතිර සිටින ලෙස පාද චලනය කරන්න. බිම බලා සිටින විට කොඳු ඇට පෙළ දිගු විය යුතු අතර උකුල් ඉහළම වන පරිදි ශරීරය සමඟ කඳු මුදුනක් හැදෙන ආකාරයට ඉන්න.
  9. අශ්වසන්චලාසන (අශ්වසරණ ඉරියව්ව): හුස්ම ඉහළට ගෙන අශ්වසරණ ඉරියව්වට ආපසු එන්න. විරුද්ධ කකුල ආපසු යන බවට වග බලා ගන්න. වම් පාදය දැන් ඉදිරිපස සහ දකුණු පාදය පසුපස තිබිය යුතුයි. පියවර 4 හි ඉරියව්ව මෙයයි.
  10. පාදහස්තාසන (ඉදිරියට නැමීම): හුස්ම පිට කර දකුණු පාදය ඉදිරියට ගෙන, ඉදිරිපස ශරීරය පහතට නමා, අත්ල බිමට සමතලා කර, හෝ ඇඟිලි ස්පර්ශ කරමින් හිටගැනීමට කකුල් දෙකම කෙළින් කරන්න.
  11. හස්තාඋට්ටාසන (පසුපසට නැමීම): ආශ්වාස කර උඩුකය කොඳු ඇට පෙළ දිගු කර තබාගෙන, අත් දෙක හිසට ඉහළින් ඉහළට ගෙන කන් අතරට අරගෙන එන්න. පසුපසට නැමී තත්පර 10-15ක් අල්ලාගෙන ඉන්න.
  12. ප්‍රනාමාසනය: හුස්ම පිට කර ඉදිරියට එන්න. කොඳු ඇට පෙළ කෙළින් කරන්න. 1 පියවරේ ආයුබෝවන් කියන ඉරියව්ව ලෙස අත් දෙක පහළට ගෙන එන්න.

Leave a Reply

Your email address will not be published.