නිදාගෙන සිටින ගමන් ඔබේ සිරුරේ හැඩය වැඩි කර ගැනීමට ක්‍රම 5 ක්

ඔයාගෙ නිදන කාමරයේ නිවැරදි ආලෝකය, නින්දට පෙර නිවැරදි ව්‍යායාම කිරීම සහ නිදාගන්නකොට අඳින ඇඳුම් පවා ඔයාගෙ නින්දට බලපාන බව ඔයා කවදහරි හිතලා තියනවද? ඇත්තටම මේ හැම සාධකයක්ම සුවපහසු නින්දකට ගොඩක් වැදගත් වෙනවා. ඒ වගේම මේ දේවල් නිසා අපේ ශරීර බර අඩු කරගන්නත් උදව් වෙන බව පර්යේෂකයන් කියනවා.

ඉතින් අද අපි ඔයාට කියන්න යන්නෙ රාත්‍රී නින්දේදී සැලකිලිමත් වොය යුතු ප්‍රධාන කරුණු පහක් සහ ඒවාට අදාළ විද්‍යාත්මක හේතු ගැනයි.

01. අඩු ඇඳුම් ප්‍රමාණයක් ඇඳගෙන නිදා ගැනීම

නිරුවතින් නිදා ගැනීමෙන් සෞඛ්‍ය ප්‍රතිලාභ කිහිපයක් ලැබෙනවා. එයින් වැදගත්ම එකක් තමයි බර අඩු කර ගැනීමට උපකාර වීම කියන්නෙ. විද්‍යාඥයන් කියන්නෙ ඔයා නිදාගෙන ඉන්නකොට ඔයාගෙ ශරීර උෂ්ණත්වය සිසිල්ව තබා ගැනීම මගින් ශරීරයේ පරිවෘත්තීය ක්‍රියාවලිය වේගවත් කරන ඔයාව උණුසුම්ව තබා ගැනීමට දුඹුරු මේදය වැඩිපුර නිපදවන බවයි.

දුඹුරු මේදය කැලරි දහනය කරන අතරතුර තාපය නිපදවනවා. මෙමගින් දිවා කාලයේදී ඔයාගෙ පරිවෘත්තීය ක්‍රියා වේගවත් කර බර අඩු කරගැනීමට උදව් වෙනවා. ඇඳුම් නොමැතිව නිදාගැනීම රුධිර සංසරණය වැඩි දියුණු කරන අතර එය හදවතට සහ මාංශ පේශිවලට යහපත් බව වෛද්‍යවරු පවා කියනවා.

02. ප්‍රමාණවත් නින්දක් ලැබීම

නින්ද ගැන පර්යේෂණ කරන වෛද්‍ය රිචඩ් කේ. බෝගන් කියන්නෙ ස්වයංක්‍රීයව නිදා ගැනීමේ කාලසටහනක් අපට බර අඩු කර ගැනීමට උදවු කළ හැකි බවයි. “සාමාන්‍ය ශරීර හෝමෝන සහ ප්‍රතිශක්තිකරණ පද්ධතියේ ක්‍රියාකාරිත්වය සඳහා නින්ද අත්‍යවශ්‍යයි. නිදිමත මොළයක් කුසගින්නෙන් පෙළෙන මොළයක්” කියලයි ඔහු පවසන්නෙ. ඒ වගේම දුර්වල නින්ද බර වැඩිවීමට හේතු වෙන බවත් ඔහු කියනවා.

ඒ විතරක් නෙවෙයි, වැඩිහිටි පුද්ගලයෙකුට දළ වශයෙන් පැය 7 නින්දක් අවශ්‍ය බවත් ඔහු යෝජනා කලා.

03. නිවැරදි ව්‍යායාම කිරීම

ඔයාගෙ මාංශ පේශී ස්කන්ධය වැඩියි නම්, ඔයා නිදා සිටින විටදී පවා වැඩිපුර කැලරි දහනය කිරීමට උපකාරී වෙනවා. දිනපතා යම් ව්‍යායාමයක් කිරීම, විශේෂයෙන් ශක්ති පුහුණුව මගින් පවුම් කිහිපයක් බර අඩු කර ගැනීමට උදවු වෙන්න පුලුවන්. රාත්‍රී නින්දට පැය දෙකකට පෙර ව්‍යායාමය කිරීමෙන් සාර්ථක ප්‍රතිඵල ලැබෙනවා.

04. සිසිල් අඳුරු නිදන කාමරයක නිදා ගැනීම

අධ්‍යයනයකට අනුව, මාසයක් තිස්සේ නිදන කාමරයේ උෂ්ණත්වය 66°F ලෙස සකසා ගත් පුද්ගලයන්ගේ දුඹුරු මේදය විසින් දහනය කළ කැලරි ප්‍රමාණය 42%කින් ඉහළ ගොස් ඇති බවත්, පරිවෘත්තීය වේගය 10%කින් ඉහළ නැග ඇති බවත් සොයාගෙන තිබෙනවා.

නින්දේදීම බර රාත්තල් කිහිපයක් අඩු කර ගැනීමට, රාත්‍රී ආලෝකය ද ඉවත් කිරීමට උත්සාහ කරන්න. නින්දට පෙර ආලෝකය මගින් මෙලටොනින් මට්ටම අඩු කරන බව පර්යේෂණ මගින් හෙළි වෙනවා. ඔයා ආලෝකය දල්වා නිදා ගන්නවා නම්, එය පරිවෘත්තීය පාලනයට විශාල බලපෑමක් ඇති කරන අතර Sleep Foundation අනුව බර වැඩිවීමට හේතුවෙන බවත් සොයාගෙන තියනවා. ඒ නිසා නින්දට පෙර ටීවී, දුරකථනය, සහ වෙනත් සියලුම විදුලි පහන් ක්‍රියා විරහිත කරන්න. එළියෙන් එන ආලෝකය වළක්වා ගැනීමට කළුවර තිර යෙදීම සුදුසුයි.

05. කාලසටහනකට අනුව ආහාර ගැනීම

පෝෂණවේදීන්ට අනුව, ආහාර සහ නිදාගන්න වේලාවන් හැම දිනකම එකම කාලසටහනක තබා ගත යුතුයි. ලන්ඩනයේ පෝෂණවේදිනියක් වන චාලට් හැරිසන් කියන්නෙ, “අපගේ ශරීරය සර්කැඩියානු රිද්මයක් මත ක්‍රියා කරනවා, එය එහි අභ්‍යන්තර ඔරලෝසුවක්. ආහාර වේල අපගේ සර්කැඩියානු රිද්මයට බොහෝ බලපෑමක් ඇති කරනවා. එමනිසා අපේ ආහාර ගැනීම කාලසටහනකට අනුව කිරීම ඉතා වැදගත් වෙනවා” කියලයි.

Leave a Reply

Your email address will not be published.