මේ දේවල් 8 න් ඈත්වී සිටියොත් නින්ද නොයාමේ ප්‍රශ්නය අවසන්

අපි ගොඩක් දෙනෙක් මේ හැඟීම විඳලා තියෙනවා: වේලාසනින්ම ඇඳට ගිහින් පැය 8කට නොඅඩු නින්දක් ලබාගත්තත්, අවශ්‍ය තරම් නින්දක් නොලැබී මහන්සි ගතියක් දැනෙනවා. අපි හැම වෙලේම මෙයට වගකිව යුත්තු මානසික ආතතිය සහ නිමක් නොමැති එදිනෙදා කටයුතු කියා ඒවාට වරද පටවනවා. නමුත් සමහර අවස්ථාවල උදෑසන ඇති වන තෙහෙට්ටුවට හේතුව මීට වඩා වෙනස් දෙයක් වෙන්න ඉඩ තියෙනවා.

මෙහි දැක්වෙන්නේ හොඳ රාත්‍රී නින්දක් නොලැබෙන්නට හේතු විය හැකි කරුණු කීපයකි.   

08. දවසේ සැලැස්මක් නොතිබීම.

අපේ ජීවිත ගත වන්නේ දිනකට වරක් සිදුවන හෝ නැවත සිදුවන රිද්මයකට, එනම් ජීව විද්‍යාත්මක ඔරලෝසුවකට අනුවයි. එනම් නිදාගැනීම සහ අවදි වීම කියන සන්සිද්ධි දෙක මාරුවෙන් මාරුවට ක්‍රමානුකූල චක්‍රයක් ලෙස සිදු වනවා. නිශ්චිත වෙලාවක් නැතිව එක එක වෙලාවට රාත්‍රියේදී නින්දට යන විට මෙම චක්‍රය කැඩෙන නිසා නිදිමතට සහ තෙහෙට්ටුවට හේතුව මෙය විය හැකියි. මේ නිසා එකම වෙලාවට නින්දට යාමේ පුරුද්ද ඇති කරගැනීම ඉතාම වටිනවා. 

07. මඟහැරුණු නින්ද සති අන්තයේදී සම්පූර්ණ කිරීම 

සතියේ දිනවල පැය 5-6ක් නිදාගෙන, සති අන්තයේදී ඒ වගේ දෙගුණයක කාලයක් ඇඳේ ගත කරනවානම්, ආයෙමත් ඔයාගේ ජීව විද්‍යාත්මක රිද්මයට හානි වෙනවා. නින්ද සඳහා ඇති වන ආබාධ වමට අමතරව, මේ නිසා ස්ථුලතාවය, දෙවන වර්ගයේ දියවැඩියාව, හෘදවාහිනී රෝග ඇතිවීමේ අවධානම වර්ධනය වෙනවා. මෙය වලක්වා ගැනීමට නම් ඔය අවදි වන වෙලාව අතර වෙනස පැයකට වඩා වැඩි කරන්න එපා. 

06. මඳ වේලාවක් නිදාගැනීමේ බොත්තම එබීම   

ඔයාගේ නින්ද වැඩිපුර විනාඩි 15ක් වර්ධනය කරගැනීමෙන් කිසිම හොඳක් වෙන්නේ නැහැ. ආයෙමත් නිදාගන්නා විට, ගැඹුරු නින්දකට වැටෙන නිසා අවදි වන විට වැඩිපුර මහන්සියක් දැනෙනවා. මේ නිසා ඔයාට ඇත්තටම අවදි වෙන්න අවශ්‍ය වෙලාවට alarm එක තියාගන්න, මෙයින් ඔයාගේ අධිෂ්ටාන ශක්තිය වැඩි වෙනවා. 

05. කාමරයේ එළිය වැඩි වීම.

ඔයාගේ ඇස්වලට කිසියම් එළියක් හසු වූ විට, ශරීරය මඟින් නින්ද ප්‍රේරණය වන හෝමෝනය වන මෙලටොනින් නිෂ්පාදනය අවම වෙනවා. මේ නිසා නින්ද ආශ්‍රිත ගැටළු ඇති විය හැකියි. මේ තත්වය ස්වභාවික සහ දිලිසෙන රූපවාහිනී බොත්තම හෝ ඔයාගේ ජංගම දුරකතනයේ ලයිට් සිග්නල් එක වගේ කෘත්‍රිම එළි නිසාත් ඇතිවිය හැකියි. මේ නිසා හොඳම දේ වෙන්නේ නිදන කාමරයේ තියෙන සියලුම ඉලෙක්ට්‍රොනික උපාංග ක්‍රියා විරහිත කර දැමීමයි.

04. උදෑසන ආහාරය මඟ හැරීම.

උදෑසන ආහාරය මඟින් ඊළඟ විවේකය දක්වා අවරෝහණ පටිපාටියට ගණනය කිරීමට ජීව විද්‍යාත්මක ඔරලෝසුව උපකාරී වෙනවා. අවදි වීම සහ ආහාර ගැනීම අතර කාල පරාසය ඉතා වැඩි නම් ශරීරය විසින් ආතති හෝමෝනය වන කොටිසෝල් මට්ටම ඉහල නංවනවා. 

03. නින්දට පෙර පිෂ්ටය සහිත සහ පැණි රස ආහාර අනුභව කිරීම.

නිදා ගැනීමට මොහොතකට පෙර ආහාර ලබාගැනීමෙන් ඔයාගේ  නෙවෙයි නින්දටත් හානි වෙනවා. විශේෂයෙන්ම මෙය සත්‍ය වන්නේ ග්ලයිසෙමික් දර්ශකය ඉහළ ආහාරවලටයි. එයට හේතුව ඒවා මඟින් කොටිසෝල් මට්ටම ඉහල යන නිසා. මෙම බලපෑම පැය 5ක් බල පැවැත්වෙන නිසා ඇඳට යාමට පැය 5කට පෙර පීසා, කේක්, අර්තාපල් වගේ ආහාර වලින් ඈත්වී ඒ වෙනුවට යෝගට් සහ මේදය අවම මාංශ වගේ සැහැල්ලු ආහාර ආදේශක වශයෙන් භාවිතා කරන්න. 

02. අපිළිවෙල නිදන කාමරය 

අනවශ්‍ය බදු කන්දරාවක් සහිත නිදන කාමරයක් දර්ශනය වීම මඟින් දහවල් කාලයේදී අවසන් නොකළ වැඩ මතක් කරවන නිසා ඒවා අවසන් කිරීමට සිත යොමු කරවනවා. මෙය සමඟ පිළිවෙල සකස් කරන ලද නැවුම් සුවඳවත් නිදන කාමරයක් සසඳන විට වේලාසනින් නිදා ගැනීමට පොළඹවනවා. මේ නිසා හොඳ නින්දක් ලබාගැනීමට නම් ඔයාගේ නිදන කාමරය නිතිපතා පිළිවෙලට තබාගන්න. ඒ වගේම එය අපිරිසිදු වීමට ඉඩ තබන්න එපා.

01. නිදාගැනීමට මද වෙලාවකට පෙර උණු වතුරෙන් ඇඟ සේදීම හෝ ස්නානය කිරීම 

උණුසුම් වතුරෙන් ඇඟ සේදීම හෝ ස්නානය කිරීමෙන් ඔයාට සන්සුන් නින්දක් රාත්‍රිය පුරාවටම ලැබෙන නමුත්, මෙය කල යුත්තේ නිදා ගැනීමට මොහොතකට පෙර නොවෙයි. මෙයට හේතුව ශරීරය උෂ්ණත්වය පහල බැසීම, නින්ද අවශ්‍ය වන බවට ලැබෙන සංඥාවලින් එකක් වීමයි. නමුත් මෙම සංඥාවට උණු වතුර ස්නානය මඟින් බාධා ඇති වනවා. මෙය වලක්වා ගැනීමට නිදාගැනීමට අවම වශයෙන් පැය 1.5-2 කට පෙර උණු වතුර ස්නානය හෝ ඇඟ සේදීම සිදු කරන්න.

Leave a Reply

Your email address will not be published.