වයසට යාම අඩු කිරීමට ස්නායු ජීව විද්‍යාඥයින්ගේ වටිනා උපදෙස් 12 ක්

අපි හැමෝගෙම කැමැත්ත පුලුවන් තරම් කාලයක් තරුණව ඉන්නයි. ඒත් ඉතින් අපට කාලය ආපස්සට හරවන්න බෑනේ. එහෙනම් මොකක්ද ඒකට කරන්න පුලුවන්? උදාහරණයක් විදිහට හතු ආහාරයට ගැනීම වගේ රහස් කිහිපයක් අනුගමනය කිරීමෙන් වයස්ගත වීමේ ක්‍රියාවලිය කල් දැමිය හැකි බව ගොඩක් විද්‍යාඥයන් විශ්වාස කරනවා. මේ ලිපියෙන් ඔයාට පෝෂණය සහ තරුණ කාලය දිගු කරගැනීමට විද්‍යාත්මක පදනමක් සහිත ක්‍රම කිහිපයක් ගැන වැඩිදුර විස්තර අපි කතා කරනවා.

පුද්ගලයෙකුගේ වයස කියන්නෙ අංකයක් විතරයි. වැදගත්ම දේ තමයි, ඇතුළතින් ඔයාට කොයිතරම් තරුණ බවක් දැනෙනවද කියන එක. ඒ නිසා, අපි අද ඔයාට කියන්නෙ හැකි තාක් කල් සතුටු සිතින්, සන්සුන් මනසකින් සිටීමට සහ ආකර්ෂණීය පෙනුමක් ලබා ගැනීමට උපකාරී වන වඩාත් ඵලදායී ක්‍රම 10ක් ගැනයි.

12. ආහාර ගන්න ප්‍රමාණය අඩු කරන්න.

ඔයා පරිභෝජනය කරන ආහාර ප්‍රමාණය අඩු කිරීම ශරීරයේ වයසට යාමේ ක්‍රියාවලියේ වේගය අඩුකරගන්න පුලුවන්. එය ශරීරයේ සෛල වයසට යාමේ ක්‍රියාවලියට බලපාන ජෛව රසායනික යාන්ත්‍රණවල වෙනස්කම් වලට හේතු වෙනවා. හැබැයි, ශරීරයට අවශ්‍ය සියලුම විටමින් සහ පෝෂ්‍ය පදාර්ථ සම්පූර්ණයෙන් ලබා ගන්න එක ගොඩක් වැදගත්. ඊට අමතරව, අඩුවෙන් ආහාර ගැනීම රෝගාබාධ ඇතිවීමේ වාර ගණන අඩු කරන අතර ශරීරයට වැඩි ශක්තියකුත් ලබා දෙනවා.

11. ආහාර වේලට සුදු හතු ඇතුළත් කරගන්න.

ඇමරිකානු විද්‍යාඥයින් කියන්නෙ සුදු හතු නිතිපතා පරිභෝජනය කරන පුද්ගලයින්ට එයාලගෙ ඇත්ත වයසට වඩා තරුණ පෙනුමක් ලැබෙන බවයි. මේකට හේතු වෙන්නෙ සුදු හතු වල තියන විශේෂ මූලද්‍රව්‍ය වන ergothioneine සහ glutathione මගින් හානියට පත් සෛල උදාසීන කිරීමයි. ඒ විතරක් නෙවෙයි, ඒවා පිළිකා සහ හෘද වාහිනී රෝග වගේම, ඇල්සයිමර් වර්ධනය වීමත් වළක්වනවා.

10. රසකැවිලි ආහාරයට ගැනීම අඩු කරන්න.

ඔයා කන රසකැවිලි ප්‍රමාණය අඩු කිරීමෙන් ශරීරයට හොඳ හැඩයක් ලබාගන්න වගේම මුළු ශරීරයේම තරුණ බව වඩි කරගන්නත් උපකාරී වෙනවා.

අපට කාබෝහයිඩ්‍රේට් නොමැති විට, අපේ ශරීරය පටක සෛල හානිවලින් ආරක්ෂා කරන රසායනික ද්‍රව්‍යයක් නිපදවීමට පටන් ගන්නවා. මීට අමතරව, ආහාරයේ ප්‍රයෝජනවත් මේද සංඛ්‍යාව වැඩි කරගන්න එකත් වැදගත්. ඒවා මාළු, මස් සහ එළවළු තෙල් වගේ නිෂ්පාදනවල අඩංගු වෙනවා. මේ ආහාර වේල අනුගමනය කිරීමෙන් හෘද රෝග, පිළිකා සහ ඇල්සයිමර් රෝගය ඇතිවීමේ අවදානම අඩු කර ගන්න පුලුවන්.

09. සම්බන්ධීකරණ අභ්‍යාස කරන්න.

මේ වගේ පුහුණුවක් මගින් මොළයේ වැඩ කිරීමේ හැකියාව වැඩි වෙනවා. ඒ සඳහා පහත දැක්වෙන ව්‍යායාම කිරීමට උත්සාහ කරන්න:

  • ලෙමන් ගෙඩියක් සහ පුටුවක් සූදානම් කරගන්න.
  • උඩුබැලි අතට වැතිරී පුටුව ඔයාගෙ හිස පිටුපස තබන්න. කකුල් දෙක අතර ලෙමන් ගෙඩිය තබා ගන්න.
  • පුටුව මත ලෙමන් ගෙඩිය තැබිය හැකි වන පරිදි කකුල් ඔසවන්න.
  • කකුල් පහළට දමන්න. ඉන්පසු ඒවා ඉහළට ඔසවා පුටුවෙන් ලෙමන් ගෙඩිය ගන්න. ආයෙත් මුල් ඉරියව්වට යන්න.

හොඳ ශාරීරික හැඩයකින් යුත් තරුණයින්ට පුටුවක් නොමැතිව එයාලගෙ හිස පිටුපස බිම මත ලෙමන් ගෙඩිය තියාගන්න පුලුවන්.

08. බයිසිකලයක් පදින්න.

සාමාන්‍ය බයිසිකල් පැදීම මගින් වයසට යාමේ ක්‍රියාවලියේ වේගය අඩු කරන කරන බව විද්‍යාඥයින් ඔප්පු කරලා තිබෙනවා. මේ ක්‍රීඩාව කරන අයගේ රුධිරයේ මේදය හා කොලෙස්ටරෝල් මට්ටම ඉහළ නොයන අතර පිරිමින්ගේ ශරීරය ටෙස්ටොස්ටෙරෝන් ඉහළ මට්ටමක තබා ගන්නවා. ඒ විතරක් නෙවෙයි, බයිසිකල් පදින අයගේ ශක්තිය සහ මාංශ පේශි අඩු වෙන්නෙත් නෑ.

07. අලුත් මිතුරන් ඇති කරගන්න.

ඔයාට තාමත් යාලුවො නැත්නම්, හැකි ඉක්මනින් මිතුරන් ඇති කර ගැනීමට උත්සාහ කරන්න. දිගුකාලීන මිත්‍රත්වයක් වයස්ගත වීමේ ක්‍රියාවලියට වගකිව යුතු වර්ණදේහවල විශේෂ ප්‍රදේශ කෙරෙහි ධනාත්මක ලෙස බලපාන බව පර්යේෂකයන් හොයාගෙන තියනවා. මිනිසුන් සමඟ මිත්‍රත්වය සහ මිත්‍රශීලී සබඳතා මොළයේ වයස්ගත වීමේ වේගය අඩු කිරීමට උපකාරී වන බව මේ අධ්‍යයනවලින් ඔප්පු වෙලා තියනවා. ඒ නිසා, ඔයාට යාලුවන් වැඩි වන තරමට සහ ඔයාගෙ සබඳතා උණුසුම් වන තරමට ගොඩක් හොඳයි.

06. නටන්න පටන් ගන්න.

ශාරීරිකව ක්‍රියාශීලී පුද්ගලයින්ට ඔවුන්ගේ මොළයේ වයසට යාමේ ක්‍රියාවලිය මන්දගාමී කරගන්න පුලුවන්. පුදුමයට කරුණ තමයි, නර්තනයේ බලපෑම ශරීරයට ධනාත්මක බලපෑමක් ඇති මොළයේ ඇදහිය නොහැකි ලෙස සැලකිය යුතු දියුණුවක් පෙන්නුම් කරනවා. ඒ වගේම, විවිධ සංගීත ප්‍රභේද, අලුත් චලනයන්, රිද්ම සහ වේගයන් වගේ විවිධ ආකාරයේ නර්තන වින්‍යාස සහිත නැටුම් මේ සඳහා ගොඩක් ප්‍රයෝජනවත්. මේ සියල්ල මතකය සහ ඉගෙනීමේ හැකියාවන් වැඩි දියුණු කරනවා.

05. ආතතිය පාලනය කිරීමට ඉගෙන ගන්න.

අප අවට සිදුවන දේවල් ගැන අපේ ආකල්පය වැදගත් වෙන්නෙ අපි යම් යම් බාධාවලට මුහුණ දෙනකොටයි. ඒ නිසා ඔයා ඒවා සැලකිය යුත්තේ මාරාන්තික අවසානයක් ලෙස නොව ඔයාට මගක් සොයා ගැනීමට අවශ්‍ය තත්වයක් විදිහටයි. මේ ආකල්පය හෘදයට සහ මොළයට රුධිර ප්‍රවාහය ශක්තිමත් කරන අතර බාහිර තර්ජන සහ ආතති තත්වයන් සඳහා ආරක්ෂක ප්‍රතිචාර ගොඩනැගීමට උපකාර වන කෝටිසෝල් හෝමෝනයේ කෙටි පිපිරීම් ඇති කරනවා. ඒ වගේම මේ ක්‍රියාවලිය තරුණව සිටීමටත් සෘජුවම සම්බන්ධයි.

04. එළියට යන්න.

ක්‍රියාශීලී ජීවන රටාවකට හුරුවෙන්න. සමාජගත කිරීම, සන්නිවේදනය, ප්‍රදර්ශන සහ ප්‍රසංග නැරඹීම. ඒ වගේම, ඔයාගෙ රැකියාව, මුදල් ඉපැයීමේ මාර්ගයක් ලෙස විතරක් නොව සිත්ගන්නා පුද්ගලයින් සමඟ සන්නිවේදනය කිරීමේ මාර්ගයක් බවට පත් කරගන්න. මේ හැමදේම නිසා අපට ප්‍රසන්න හැඟීම් ලබා දෙන අතර තරුණ බව වඩි කරගන්නත් උපකාරී වෙනවා.

03. අලුත් දෙයක් ඉගෙන ගන්න.

වයසත් එක්ක අපේ මොළය ක්‍රියාශීලීව අඩුවෙන් ක්‍රියා කිරීමට පටන් ගෙන ඇතත්, අපට අපේ බුද්ධිමය කුසලතා සහ සිතීමේ හැකියාව ඉහළ මට්ටමක පවත්වා ගන්න පුලුවන්. මේ සඳහා, අපි නිතිපතා අලුත් දෙයක් ඉගෙන ගන්න ඕන.

මනස නිරවුල්ව තබා ගැනීමට හොඳ ක්‍රමයක් මෙන්න. විශේෂයෙන් වැඩිහිටි වයසේදී – විදේශ භාෂා ඉගෙනීම. ඒක පහසු දෙයක් නෙවෙයි. ඒත් ප්‍රතිඵලය නම් ගොඩක් හොඳයි. ඒ වගේම, ඉහළ අධ්‍යාපනයක් තියන අය වැඩි කාලයක් ජීවත් වෙන්නෙ එයාලා සෞඛ්‍ය සම්පන්න ජීවන රටාවක් අනුගමනය කිරීම, අඩුවෙන් මත්පැන් පානය කිරීම සහ වැඩිපුර ක්‍රීඩා පුහුණු වන නිසයි.

02. හැකිතාක් අඩුවෙන් ජංගම දුරකථනයෙන් කතා කිරීමට උත්සාහ කරන්න.

ජංගම දුරකථනය නිතර භාවිතා කිරීම අකලට වයසට යෑමට හේතු වෙන්න පුලුවන්. ඒවායේ තිබෙන විද්‍යුත් චුම්භක විකිරණ රුධිර සෛල වලට හානිකරයි. අක්මා එන්සයිම, අන්තරාසර්ග ග්‍රන්ථි, මාංශ පේශි, හදවත, ඇට මිදුළු වලටත් මේ විකිරණ බලපාන අතර එමගින් හෝමෝන සමතුලිතතාවය බිඳ දමනවා. ජංගම දුරකථනයකින් කතා කරන විට, හැම විටම හෑන්ඩ්ස්-ෆ්‍රී කට්ටලයක් භාවිතා කරන්න පුරුදු වෙන්න.

කයිරෝවේ විද්‍යාඥයින් කියන්නෙ ජංගම දුරකථන හරහා ගොඩක් දේවල් සන්නිවේදනය කරන පුද්ගලයින්ට සෞඛ්‍ය ගැටලු ඇතිවීමේ අවදානමක් තියන නමුත් ඒක සිදුවෙන්නෙ අධි වෝල්ටීයතා රේඛා සහ ජංගම සන්නිවේදන කුළුණු අසල ජීවත් වන අයට බවයි. මේ බාධක වලින් ආරක්ෂිත දුරක් ලෙස හඳුන්වන්නෙ ඒවාට අඩි 70 ක්, සමහර විට සැතපුම් 1 ක දක්වා දුරකටයි.

01. නිර්මාණශීලී ලෙස කතා කරන්න පුරුදු වෙන්න.

“ඔයාට කොහොමද?” වගේ සාමාන්‍ය ප්‍රශ්නවලට හැම විටම අලුත් ප්‍රතිචාර ඉදිරිපත් කිරීමට උත්සාහ කරන්න. “අලුත් තොරතුරු මොනවාද?” වගේ ප්‍රශ්නෙකට වුණත් වෙනස් පිළිතුරක් ලබාදෙන්න උත්සාහ කරන්න. ඒ වගේම, සන්නිවේදනයේදී භාවිතා කිරීමට ඇනෙක්ඩෝට්, රසවත් උපුටා දැක්වීම්, ඔයාගෙම විහිළු සහ රසවත් කථා භාවිතා කිරීම මතක තබා ගැනීමට උත්සාහ කරන්න.

ඔයා නිර්මාණශීලීව කතා කරන කරනකොට, එමගින් ඔයාගෙ වර්නිකේ ප්‍රදේශය සහ බ්‍රෝකා ප්‍රදේශය වගේ මතකය සහ මොළයේ කථන මධ්‍යස්ථාන උත්තේජනය වෙනවා. මෙමගින් ඔයාගෙ මොළයේ ක්‍රියාකාරිත්වය ශක්තිමත්ව තබා ගන්න උපකාරී වෙනවා.

Leave a Reply

Your email address will not be published.