වයස 40 න් පසුව අනුගමනය කලයුතු ආහාර පුරුදු 10 ක්

ඔබටත් දැන් වසය 40ක්ද. අවුරුදු 40 කියල කියන්නේ ඇත්තටම ගොඩක් විශේෂ කාලයක්. ඔබ මේ කාලය වෙද්දි දක්ෂයි, නවීනයි වගේම තවදුරටත් කුඩා දේවල් ගැන කරදර වන එක ඔබ සම්පූර්ණයෙන්ම නවත්තල ඇති.මීට හේතුව ඔබට දරුවන් සිටී නම් – ඔවුන් තරමක දැනුම් තේරුම් ඇති වයසේ සිටින නිසා ඔබට විනෝද වෙන්න පුළුවන් වගේම, එසේ නොවේ නම් – ඔබ ඔබේ ජීවිත අත්දැකීම් බොහෝමයක් දැනටමත් ලබාගෙන තිබෙනවා. නමුත් මෙම වයස සමඟ ඔබේ සෞඛ්‍යයේ ඒ කියන්නේ ඔබේ ශරීරයේ යම් යම් වෙනස්කම් ද ඇති වෙන්න පුළුවන්. 

අද අපි තීරණය කලා ඔබ 40 ගණන්වලට ඇතුළු වූ පසු ඇතිවිය හැකි සෞඛ්‍ය වෙනස්කම් කිහිපයක් පිළිබදව ඔබට රැගෙන ඒමට. ඔබටත් මෙය වැදගත් වේවි නැතහොත් කෙදිනක හෝ වැදගත් වේවි. කියවලම බලන්නකෝ. 

01. ඔබේ පරිවෘත්තීය ක්‍රියාවලියට විශාල තල්ලුවක් ලබා දෙන්න. 

ශරීරයේ සෑම රසායනික ප්‍රතික්‍රියාවකම ක්‍රියාවලිය පරිවෘත්තීය ලෙස හදුන්වන්න පුළුවන්. සමහර අයට මන්දගාමී පරිවෘත්තීය ක්‍රියවලියක් තමා තිබෙන්නේ. මීට හේතු කිහිපයක්ම තියෙනවා. අවාසනාවකට මෙන් වයස ප්‍රධාන හේතුවක්. නමුත් දුක් වෙන්න එපා, ඔබේ පරිවෘත්තීය වැඩි දියුණු කළ හැකි ක්‍රම කිහිපයක්ම තියෙනවා. මින් ආහාර ගැනීම ප්‍රධාන දෙයක්. නිතර නිතර ආහාර ලබා ගැනීම ඔබ සිදු කරන්න. ඔබේ ආහාර වේලට වැඩි ප්‍රෝටීන් එකතු කර ගැනීම තුළින් ඔබට වඩා හොද ප්‍රතිඵල ලබා ගැනීමට හැකියාවක් තිබෙනවා. මේ නිසා ඔබට අධික ලෙස ආහාර නොගෙන මාංශ පේශි පවත්වා ගැනීම සිදු කරන්න පුළුවන්. 

02. පිරිපහදු කල ධාන්‍ය වෙනුවට සම්පූර්ණ ධාන්‍ය භාවිතා කරන්න. 

සම්පූර්ණ සහ පිරිපහදු කල නමින් ප්‍රධාන ධාන්ය වර්ග 2 ක් පවතිනවා.මින් ඔබට වඩාත් සුදුසු වන්නේ සම්පූර්ණ ධානයයි.  “සම්පූර්ණ” යන්නෙන් අදහස් කරන්නේ ධාන්‍ය එහි මුල් ස්වරූපයෙන් හෝ බීජයේ කිසිදු කොටසක් ඉවත් නොකර තිබෙන බවයි.  විටමින් බී, පොටෑසියම්, මැග්නීසියම් සහ තන්තු වැනි දෑ සම්පූර්ණ ධාන්‍ය වල අන්තර්ගත වනවා.  හෘදයාබාධ, තරබාරුකම හා දියවැඩියාව ඇතිවීමේ අවදානම මෙය අවම කරන අතරම එය ඔබේ ආහාර ජීර්ණයට බොහෝ ලෙස සහාය වීමද සිදු කරනවා. 

03. නට්ස් ආහාරයට ගන්න. 

නට්ස් ඇත්ත වශයෙන්ම පලතුරක් ලෙස සලකන්න පුළුවන්. මේදය අධික, කාබන් අඩු හා විශාල පෝෂ්‍ය පදාර්ථ රාශියක් අන්තර්ගත පළතුරක් ලෙසත් මෙය හදුන්වන්න පුළුවන්. සෛල ආරක්ෂා කරන ප්‍රතිඔක්සිකාරක වලින් සමන්විත මෙය ඔබේ නරක කොලෙස්ටරෝල් මට්ටම අවම කරනවා. දෙවන වර්ගයේ දියවැඩියාවටද මේවා බොහෝ ලෙස සහාය වනවා.  ඔබේ හදවතට ඉතා හොඳ ආහාරයක් ලෙසත් මේ නට්ස් හදුන්වන්න පුළුවන්. 

04. පරිප්පු ඔබට හොඳයි.

තන්තු හා විටමින් බී 9 ප්‍රභවයක් ලෙස මෙම පරිප්පු හදුන්වන්න පුළුවන්. ෆෝලේට් ලෙසද මෙය ඇතැම් පුද්ගලයින් හදුන්වනවා. ඔබට නරක කොලෙස්ටරෝල් මට්ටම අඩු කර ගැනීමට හෘදයාබාධ, දියවැඩියාව සහ තරබාරුකම සඳහා ඇති අවදානම අඩු කර ගැනීමට මෙන්ම තවත් බොහෝ වාසි ලබා ගැනීමට මෙම පරිප්පු ආහාරයට ලබා ගැනීමෙන් හැකියාවක් තිබෙනවා. බොහෝ ආහාර වල අඩංගු නොවන සෙලේනියම් නම් ඛනිජයක් පරිප්පු වල අන්තර්ගත වනවා. එය පිළිකාවට එරෙහිව සටන් කිරීමට, වැඩිහිටි පුද්ගලයින්ගේ සංජානන පරිහානියට සහ නිදන්ගත ඇදුම රෝගයට පවා බොහෝ සහාය වන ද්‍රවයයක් වේ. 

05. හොඳ බැක්ටීරියා ලබා ගන්න.

අපගේ බඩවැල් නිරෝගීව තබා ගැනීමට උපකාරී වන ප්‍රෝබියොටික්  කෙෆීර්, යෝගට් සහ කොම්බුචා වැනි නිෂ්පාදනවල  අඩංගු වෙනවා. පූර්ව ඔසප් වීම අත්විඳින 40 ට වැඩි කාන්තාවන්ට මෙම නිෂ්පාදන  දිනපතා ගැනීම හෝ අතිරේකයක් ලෙස ගැනීම බොහෝ වැදගත් වෙන්න පුළුවන්. 

06. තෙල් සහිත මාළු තෝරා ගන්න.

ඔමේගා -3 මේද හා විටමින් ඩී වලින් මාළු සමන්විත වෙනවා. එය හෘද රෝග, ඇතැම් පිළිකා, දියවැඩියාව සහ අධි රුධිර පීඩනය වැළැක්වීමට මෙන්ම මානසික අවපීඩනය, ලිංගාශ්‍රිත රෝග හා භින්නෝන්මාදය වැනි රෝග සඳහාද බොහෝ සෙයින් සහාය වෙනවා. සමහර ඔසප් වීමේ රෝග ලක්ෂණ වලදීද මෙය සහාය වෙනවා. සැමන්, හුරුල්ලන්, ලේක් ට්‍රවුට් හෝ සාඩින් වැනි දෑ සෞඛ්‍ය සම්පන්න තේරීම් ලෙස හදුන්වන්න පුළුවන්. ඔබ මාළු ආහරයට ගැනීමට කැමති නැති නම්, ඔබට සෑම විටම මාළු තෙල් අතිරේකයක් ලෙස ලබා ගැනීම සිදු කරන්න පුළුවන්. නමුත් මීට පෙර වෛදයය උපදෙස් ලබා ගැනීම වඩා සුදුසුයි. 

07. හරිත කෝපි උත්සාහ කරන්න.

හරිත කෝපි බෝංචි ලෙස හදුන්වන්නේ කෝපි බෝංචි වේ. මෙහි විශේෂත්වය මේවා බැදපු ඒවා නොවීමයි. මේ නිසා ඒවායේ වැඩි පෝෂ්‍ය පදාර්ථ ප්‍රමාණයක් තිබෙනවා. මෙම කෝපි වල ප්‍රතිඔක්සිකාරක විශාල ප්‍රමාණයක් පවතින නිසා එය වයසට යෑමට එරෙහිව සටන් කිරීම සිදු කරනවා. ඔබේ මෙම වයසේදී මෙය භාවිතා කිරීම බොහෝ හොදයි. 

08. කලින් කන්න.

ඔබේ ආහාර වේලෙහි වේලාව ඔබේ සෞඛ්‍යය හා බර වැඩිවීමට ප්‍රධාන කාර්යභාරයක් ඉටු කරන බව පෙන්සිල්වේනියා විශ්ව විද්‍යාලය විසින් කරන ලද අධ්‍යයනයකට අනුව හෙළි වී තිබෙනවා. උදේ 8 සිට රාත්‍රී 7 දක්වා ආහාරයට ගත් අයට වඩා දහවල් 11 සිට රාත්‍රී 11 දක්වා ආහාර ගන්නා අය වැඩි බරක් ලබා ගන්නා බව මෙහිදී ඔප්පු වෙලා තිබෙනවා. මේ විතරක් නෙමේ මෙම පුද්ගලයින්ගේ ඉන්සියුලින් හා කොලෙස්ටරෝල් මට්ටමද වැඩි වීම පෙන්නුම් කරල තිබෙනවා. දියවැඩියාව හා හෘද රෝග වැනි නිදන්ගත රෝග ඇති වීමට මෙය හේතුවක් වන්නට පුළුවන්. 

09. ඔබේ ඇටකටු නැවත ශක්තිමත් කර ගන්න.

මිනිස් ශරීරයේ සෑම සෛලයක්ම  යම් ආකාරයකින් කැල්සියම් භාවිතා කිරීම සිදුකරනවා. ආහාර වලින් කැල්සියම් අඩුවෙන් අවශෝෂණය කර ගැනීම සිදු කරනවා අප වයසට යාමත් සමගම. මේ නිසා අපගේ ශරීරය අපගේ අස්ථි වලින් මෙම කැල්සියම් ලබා ගැනීම සිදු කරනවා. කැල්සියම් ඌනතාවය වළක්වා ගැනීම සඳහා ඔබේ ආහාර වේලට කිරි නිෂ්පාදන, බීජ, ටින් කළ සැමන් සහ සාඩින්, බෝංචි සහ ආමන්ඩ් එක් කර ගන්න. 

10. ඔබේ ආහාර වේලට වර්ණ එක් කර ගන්න.

පලතුරු හා එළවළු විශාල ප්‍රමාණයක ප්‍රතිඔක්සිකාරක අන්තර්ගත වනවා. ඒවායින් බොහොමයක් ප්‍රතිඔක්සිකාරක ඇන්තොසියානින් අන්තර්ගත වෙන්නේ නෑ.  මෙය වර්ණකයක් වන අතරම පලතුරු හා එළවළු වලට දීප්තිමත් වර්ණයක් ලබා දීම මෙය සිදු කරනවා. බ්ලූබෙරීස්, බීට්රූට්, දම් පැහැති ගෝවා වැනි ඇන්තොසියානින් සාන්ද්‍රණය ඉහළ මට්ටමක පවතින ආහාර මගින් ඩිමෙන්ශියාව සහ කාන්තාවන්ගේ හෘද වාහිනී පද්ධතියේ තත්වය වැඩිදියුණු කිරීම සිදු කරනවා. මෙය පර්‍යේෂන වලින් සනාථ වෙලා තිබෙනවා. 

Leave a Reply

Your email address will not be published.