සති 3 කින් එල්ලා වැටෙන බඩ අඩු කර ගැනීමට සරල ව්‍යායාමයක්

එල්ලෙන බඩක් නැතුව හරි ගානට තියන බඩක් පවත්වගන්න කාන්තාවන් හැමෝම කැමතියි. සාර්ථක වගේම සරල ව්‍යායාමයක් මගින් ඉදිරියට නෙරා ආපු බඩක්, පැතලි සහ තද බඩක් බවට සති කිහිපයකින් පත් කරගන්න පුලුවන්. කරන්න තියෙන්නෙ ඔයාගෙ පිටේ සහ ආමාශයේ මාංශ පේශී තද කිරීම සහ ඇදීම මගින් එම ප්‍රදේශය තුළ වැඩිපුර මේදය එකතු වීම වැළැක්වීමයි.

ඉතින් අද අපි ඔයාට කියලා දෙන්නෙ එල්ලෙන බඩක් සති තුනකින් සාමාන්‍ය පැතලි බඩක් බවට පත් කරගන්න උදව් වෙන සරල ව්‍යායාමයක පියවර කිහිපයක් ගැනයි.

පියවර 1

ඕනෑම ආකාරයක ව්‍යායාමයක් පටන් ගන්න කලින් උණුසුම් කිරීම සහ දිගු කිරීම අනිවාර්යයෙන් කරන්න ඕන. උණුසුම් වීමෙන් පසු, අත් දෙක ඉණ මත තබාගෙන කෙළින් සිටින්න. කකුල්වලට රිදීමක් ඇතිවීම වළක්වා ගැනීමට යෝගා පැදුරක් හෝ කාපට් එකක් මත හිටගන්න.

පියවර 2

සිරුරේ සමතුලිතතාවය තබා ගැනීමට සහ උරහිස් පළලට වඩා පළලින් කකුල් ඈත් කර තබා ගැනීමට ඔයාගෙ ඉණ මත අත් තබන්න. කකුල් දෙකම තරමක් පිටතට යොමු විය යුතු බව මතක තියාගන්න.

පියවර 3

දණහිස් මත ත් දෙක තබා පහතට නැමෙන්න. ඔයාගෙ කලවා මාංශ පේශි ක්‍රියා කරන බව ඔයාට දැන් දැනේවි. එක් එක් චලනයන් සෙමින් සහ නිශ්චිතව සිදු කිරීමට මතක තබා ගන්න. සියලු මාංශපේශී වලට ආතතියක් දැනෙන බව සහතික කර ගන්න.

පියවර 4

ඇඟට ව්‍යායාමයක් ලැබෙන්නේ මේ පියවරේදීයි. ඔයාගෙ දකුණු උරහිස වමට සහ ඇතුළට හරවමින් ඉදිරියට නැඹුරු වෙන්න. වම් උරහිස පසුපසට යා යුතුයි. කලවා, ඉණ සහ පිටුපස මාංශ පේශි ඇදෙන බවත් ඔයාට දැනෙන්න ඕන. තත්පර 3ක් මේ ඉරියව්වේ සිට පෙර ස්ථානයට ආපසු යන්න.

පියවර 5

මේ ඉරියව්වේදී ගැඹුරින් හොඳට හුස්ම ගන්න.

පියවර 6

පියවර 4 ප්‍රතිවිරුද්ධ දිශාවට කරන්න. ඔයාග්‍ර් වම් උරහිස දකුණට සහ ඇතුළට හරවන්න. දකුණු උරහිස ආපස්සට යා යුතුයි.

ප්‍රතිඵල

හොඳම ප්‍රතිඵල ලබා ගැනීම සඳහා, ව්‍යායාමය නැවත නැවත 10 කොටස් 2 ක් කරන්න. ඒ අතරම සෞඛ්‍ය සම්පන්න ආහාර වේලක් ලබාගන්නත් අමතක කරන්න එපා.

මේ අභ්‍යාසයත් ශරීරයේ නම්‍යශීලී බව වර්ධනය කරගන්න ගොඩක් උපකාරී වෙනවා. කොන්දට විවේකයක් ලබා දෙන්න වගේම බඩේ සහ කලවාවල මාංශපේශි තද කරන්නත් මේ ව්‍යායාම උදව් වෙනවා.

Leave a Reply

Your email address will not be published.