සති 4 කින් ඔබේ මුළු සිරුරම වෙනස් කරන ව්‍යායාම 7ක්

ලස්සනට ඇඟ හදාගන්න කැමති අයට ඔන්න අද අපි අරගෙන ආපු ලිපිය ගොඩාක් වැදගත් වෙයි. ඔයත් කෑම පාලනයෙන් කිසිම ප්‍රතිඵලයක් ලැබුණෙ නැති කෙනෙක් නම් මේ ව්‍යායාම කළොත් ඔයා හීන මවපු හැඩ ඇඟ ලබාගන්න ඔයාටත් පුලුවන්. ඒකත් ලොකු කාලයක් මහන්සි වෙලා නෙවෙයි. දවසකට හරිම පොඩි වෙලාවක් කරන ව්‍යායාම කිහිපයකින් සති හතරක් ඇතුළතදි ඇඟ අඩු කරගන්න පුලුවන් ව්‍යායාම කිහිපයක් තමයි අද අපි ඔයාට අරගෙන ආවෙ.

සති 4කින් ඔයාගෙ ශරීරය සම්පූර්ණයෙන්ම පරිවර්තනය කරන ව්‍යායාම මොනවද කියලා දැන් අපි බලමු.

01. ප්ලාන්ක්

කරන්නෙ මෙහෙමයි: ප්ලෑන්ක් කියන්නෙ සමමිතික (ස්ථිතික) ව්‍යායාමයක් වන අතර එහිදී රීතිය වන්නේ ඔයාගෙ ශරීරය නිවැරදිව අල්ලා ගැනීමයි. ඉහත පින්තූරය අනුගමනය කරන්න. ඔයාගෙ පිටුපස සහ කකුල් එල්ලා වැටීමෙන් හෝ වක්‍ර වීමෙන් තොරව කෙළින් තබා ගන්න.

ප්‍රතිඵල: හරියටම සිදු කළොත්, මේ මගින් උදරය, පිටුපස, තට්ටම්, පාද සහ අත්වලට හොඳ ව්‍යායාමයක් ලබාදෙනවා. එයින් ඉරියව්ව සහ සාමාන්‍ය මාංශ පේශි හැඩය වැඩි දියුණු කරනවා.

02. පුෂ් අප්ස්

කරන්නෙ මෙහෙමයි: ආරම්භක ඉරියව්ව ලෙස අත් සෘජුව තබාගෙන ප්ලෑන්ක් ඉරියව්වෙන් ඉන්න. එතැන් සිට ඔයාට පුලුවන් තරම් ඇඟ පහත් කරන්න. ඔයාගෙ පිටුපස, ශ්‍රෝණිය සහ කකුල් සරල රේඛාවක් සාදන ආකාරයට පහත් කරන්න. ඉන්පසු හෙමින් මුල් ඉරියව්වට ආපසු යන්න.

ප්‍රතිඵල: පපුව, අත් සහ උදරීය මාංශ පේශිවලට හොඳ බලපෑමක් ඇතිකරනවා.

03. කලවා සහ තට්ටම් මාංශ පේශිවලට ව්‍යායාම

කරන්නෙ මෙහෙමයු: අත් කකුල් හතරෙන් හිටගෙන, වම් පාදය සහ දකුණු අත සරල රේඛාවකට දිගු කරන්න. ඉන්පසු ඒවා සෙමෙන් නමා, දකුණු වැලමිට වම් දණහිසට ස්පර්ශ කරන්න. නැවතත් කෙළින් කරන්න. ඉන්පසු අත සහ පාදය වෙනස් කර නැවත ව්‍යායාමය කරන්න.

ප්‍රතිඵල: කඳට සහ උකුල නැමෙන මාංශ පේශී සඳහා හොඳයි. පිටුපස මාංශ පේශි, තට්ටම් සහ ඉණ ශක්තිමත් කරන්නත් උපකාරී වෙනවා.

04. ස්කොට්ස්

කරන්නෙ මෙහෙමයි: පාද උරහිස් පළල දක්වා ඈත් කර, කකුල්වලින් හිටගන්න. පුටුවක වාඩිවෙලා ඉන්නවා වගේ, ඔයාගෙ දණහිස් සහ පාද එකම රේඛාවක තබා කොන්ද කෙළින් තබා ගන්න. අත් දෙක ඉදිරියට ඔසවමින් ශරීරයේ සමබරතාවය තබා ගන්න. ඉන්පසු ඔයාට පුලුවන් තරම් හෙමින් නැවත නැඟිටින්න.

ප්‍රතිඵල: මෙමගින් තට්ටම්, කලවා සහ වළලුකරවල මාංශ පේශි ශක්තිමත් කරනවා.

05. පපුව සඳහා ව්‍යායාම

කරන්නෙ මෙහෙමයි: අත් දෙක හිසට ඉහළින් දිගු කර දණහිස්වලින් නැමී උඩුබැලි අතට වැතිරෙන්න. අත් දෙක කෙළින් තබා උඩුකය හෙමින් ඔසවන්න. ඇඟිලි බිම් ස්පර්ශ කරන්න. ඉන්පසු හෙමින් මුල් ඉරියව්වට ආපසු යන්න.

ප්‍රතිඵල: මේ ව්‍යායාමයෙන් ප්‍රධාන මාංශ පේශි ශක්තිමත් කර මේදය දහනය කරන්න උදව් වෙනවා.

06. පපුව + තට්ටම්

කරන්නෙ මෙහෙමයි: කොන්දට ආතතිය දැනීම සඳහා අත් සහ පාද බිම මත තබා ගන්න. එක් කකුලක් හැකි තරම් ඉහළට ඔසවන්න. දෙවන විලුඹ බිමෙන් ඉවතට නොගෙන ශරීරයේ ඉහළ කොටස පහත් කිරීමට පටන් ගන්න.

ප්‍රතිඵල: ඉණෙහි, උදරයේ සහ තට්ටම්වල මාංශ පේශි ශක්තිමත් කරනවා.

07. ඉණ

කරන්නෙ මෙහෙමයි: ඔයාගෙ අත් දෙක වැලමිටෙන් නමාගෙන හිසට යටින් තබාගෙන බිම වැතිරෙන්න. උඩුකය හැකිතාක් ඔසවන්න. තත්පරයක් මේ ඉරියව්වේම රැඳී සිටින්න. හෙමින් මුල් ඉරියව්වට ආපසු යන්න.

ප්‍රතිඵල: කොඳු ඇට පෙළේ මාංශ පේශි ශක්තිමත් කරනවා.

Leave a Reply

Your email address will not be published.