සිරුරේ මේදය වැඩි කරන අප කරනා පෝෂන වැරදි 9 ක්

ඇත්තටම ස්ථුලතාවය කියන්නේ වසංගතයක්, අපි හැමෝම එයින් බේරෙන්න උත්සහ කරනවා. ශරීරයේ බර වැඩි වී තිබෙන විට එය අඩු කරගැනීමට තියෙන දැඩි උවමනාව නිසාම ඔයා අතින් වැරදීම් වෙන්න ඉඩ තියෙනවා. අන්තර්ජාලයේ සංසරණය වන වැරදි තොරතුරු පිළිපැදීමෙන්, ව්‍යායාම වැරදි ආකාරයට කිරීම සහ වැරදි දේවල් ආහාරයට ගැනීම වැනි වැරදි නොදැනුවත්වම සිදු වෙන්න පුළුවන්. 

මේ ආකාරයට කෑම මේසයේදී සිදු වන වැරදි වලක්වාගැනීමට අත්වැලක් වශයෙන් ආහාර පාලනයේදී අප අතින් සිදු වන බොහොම පොදු වැරදි කීපයක් මෙහි සඳහන් වෙනවා. මෙම වැරදි සමහර විට ඔයත් කරනවා වෙන්න පුළුවන්!

01. කැලරි සියල්ලම සමානයි කියා සිතීම.

කැලරි සියල්ලම සමාන නැහැ, හොඳ සහ නරක වශයෙන් වර්ග දෙකක් තියෙනවා. එළවලු වර්ග ආහාරයට ගන්නා විට ලැබෙන කැලරි හොඳ වර්ගයට අයත් වන අතර, ලොකු බර්ගර් එකක් කන විට ලැබෙන්නේ නරක කැලරි යි. මෙයට හේතුව ශරීරය මඟින් පිටවන ඉන්සියුලින් ප්‍රමාණය, ලබාගන්නා කැලරි ප්‍රමාණයට වඩා කැලරි වර්ගය අනුව රඳා පැවතීමයි.  

02. මේදය අවම හෝ ආහාර පාලනය කරන කෑම පමණක් තෝරාගැනීම 

සාමාන්‍යයෙන් බර අඩු කරගැනීම සලකන විට සකස් කරන ලද, මේදය අවම, ආහාර පාලනය සඳහා භාවිතා කරන කෑම වර්ග පරිභෝජනය කිරීම සුදුසුයි කියා සිතුවත් ඇත්තටම සැමවිටම එය නිවැරදි නැහැ. එම සෞඛ්‍ය සම්පන්න යැයි කියන බොහොමයක් ආහාර රස ගැන්වීමට සීනි විශාල ප්‍රමාණයක් එකතු කරනවා. 

මේ නිසා, බඩ පිරෙනවා වෙනුවට මෙම ආහාර ගත්විට තවත් බඩගින්න වැඩි වෙනවා, මෙහි ප්‍රතිඵලයක් ලෙස ඔයා වෙනදාටත් වඩා වැඩිපුර ආහාර ගන්නවා. මේ නිසා හොඳම පිළියම පෝෂ්‍යදායි, අවමව සකස් කරන ලද ආහාර  නිෂ්පාදන ආහාරයට ගැනීමයි.

03. අවශ්‍ය තරම් ප්‍රෝටීන් ආහාරයට නොගැනීම. 

ඔයාගේ අරමුණ ශරීරයේ බර අඩු කරගැනීම නම් ඒ සඳහා අවශ්‍ය එකම සහ වැදගත්ම පෝෂ්‍ය පදාර්ථය ප්‍රෝටීන්. ප්‍රෝටීන් අධික ආහාර පරිභෝජනයෙන් පරිවෘත්තීය වර්ධනය, ආහාර රුචිය අවම කර, බර නියාමනය කරන සමහර හෝමෝනවලට හිතකර බලපෑම් ඇති කරනවා. ඒ වගේම බර අඩු වන විට මාංශ පේශී වල බර ආරක්ෂා කරගැනීමට උපකාරී වෙනවා. අධ්‍යනයකින් හෙළිවන අන්දමට රාත්තලයකට ප්‍රෝටීන් ග්‍රෑම් 0.6–0.8ක් පමණ අන්තර්ගත ආහාර මඟින් ආහාර රුචිය පාලනය වන අතර, සිරුරේ සංයුතිය වර්ධනය කරවනවා.

04. තන්තු සහිත කෑම වර්ග ආහාරයට නොගැනීම.

ආහාර වේලට තන්තුමය ආහාර එකතු කරගැනීමෙන් කුසගින්න නිවන බැවින් ආහාර රුචිය අඩු වෙනවා. ඊට අමතරව අනෙක් ආහාරවලින් අවශෝෂණය වන කැලරි ප්‍රමාණය අවම කරවීමේ හැකියාව පවතින බැවින් එය ශරිරයේ බර අඩු කිරීමටත් උදව් වෙනවා. දිනකට ලබාගන්නා තන්තු ප්‍රමාණය දෙගුණ කිරීමෙන් ශරීරයට එකතු වන කැලරි ප්‍රමාණය 130ක් පමණ කරගැනීමට හැකියාව පවතින බව අධ්‍යන වලින් පෙන්නුම් කරනවා. ඔයාගේ එදිනෙදා ආහාර වේලට පොඩි වෙනසක් කිරීමෙන් ශරීරයට ලැබෙන තන්තු ප්‍රමාණය වර්ධනය කරගත හැකියි. සාමාන්‍ය සුදු පාන් වෙනුවට දුඹුරු පූර්ණ ධාන්‍ය පාන් ආදේශ කරගන්න.

05. බඩගිනි නැති වුණත්, හැමවෙලේම ආහාර ගැනීම.

දිනකට ලොකු ආහාර වේල් තුනක් ගන්නවා වෙනුවට කුඩා ප්‍රමාණවලින් වාර කීපයක් ආහාරයට ගැනීමෙන් බර අඩු වන බවට මතයක් තිබෙනවා. නමුත් එය වැරදියි. බර අඩු කරගැනීමට නම් බඩගිනි වෙලාවට ආහාර ගැනීමත්, බඩගිනි නම් පමණක් ආහාර ගැනීමත් සිදු කල යුතුයි. මීට හේතුව, කන ප්‍රමාණය අඩු වුණත්, නිතරම කන විට, දන්නෙම නැතිව වැඩිපුර කැලරි ප්‍රමණයක් ශරීරයට ලැබෙන්න පුළුවන්.  

06. “උදෑසන ආහාර වේල මඟහරින්න එපා” උපදෙස පිළිපැදීම.

කෙනෙකුගේ ආහාර රුචිය පිළිබඳව තකන්නේ නැතිව මෙම උපදෙස බොහෝ විට අපට ලැබෙනවා. ඇත්තටම මෙය වැරදියි. අධ්‍යනයකින් පෙන්වා දෙන අන්දමට උදෑසන ආහාරය මඟහරින අය දවල් ආහාරය වැඩියෙන් ගන්නවා. නමුත් දවස පුරා ලබාගත් කැලරි ප්‍රමාණය සැලකූ විට සාමාන්‍යය ලෙස ඔවුන් කැලරි 408ක් අඩුවෙන් ලබාගෙන තිබෙනවා. 

07. ඇසුරුම් කළ පලතුරු බීම පානය කිරීම 

බර අඩු කරගැනීමට අවශ්‍ය පුද්ගලයින් බොහෝ දෙනෙක් සිසිල් බීම හා අනෙකුත් පැණිරස බීම පානය කිරීම නතර කළත් නිතරම ඇසුරුම් කළ පලතුරු බීම ගැන අමතක කරනවා. 100% පලතුරු බීම වල පවා අවශ්‍ය තරම් සීනි අන්තර්ගත වන නිසා ආහාර පාලන සැලසුම් ව්‍යර්ථ වී යනවා. නිදසුනක් ලෙස, සීනි එකතු නොකළ පලතුරු බීමවල පවා සීනි ග්‍රෑම් 36ක් අඩංගු විය හැකියි. එම ප්‍රමාණය සෝඩා අවුන්ස 12කටත් වඩා වැඩියි.

08. පූර්ණ, ඒක අමුද්‍රව්‍ය ආහාර නොගැනීම 

බර වැඩි වීමට වගකිව යුතු ලොකුම වරදකරු අධිකව ක්‍රියාවලියට භාජනය කරන ලද ආහාර වර්ගයි. මේ බව අධ්‍යන වලින් පවා තහවුරු වී තිබෙනවා. මේ නිසා නිරෝගීව සිටීමට අවශ්‍ය නම් ස්වයං පාලනය හුරු කරවන, එනම් වැඩි ප්‍රමාණයක් ආහාර ගත නොහැකි පූර්ණ ආහාර ලබාගන්න.

09. ගොඩක් ආහාරයට ගැනීම සහ ආහාර වේලට නැවුම් පලතුරු එක්කර නොගැනීම.

වැඩිපුර ප්‍රමාණයක් ආහාරයට ගැනීම සහ ආහාර වේල සඳහා පලතුරු එක්කර නොගැනීමෙන් ඔයාගේ බර අඩු කරගන්න සිහිනය හැමදාමත් සිහිනයක් විදියටම පවතීවි. බර අඩු කරගැනීමට සුදුසුම පලතුරු: පෙයාර්ස්, කොමඩු, ඇපල් සහ ජම්බල.
නැවුම් තත්වයේ පවතින විට පමණක් සුදුසු වන ආහාර පමණක් මිලට ගන්න. අනවශ්‍ය ආහාර වර්ග වලින් ශීතකරණය පුරවාගත් විට මුලින් සැලසුම් කරගත්තාට වඩා වැඩියෙන් ආහාරයට ගන්න පෙළඹෙනවා. ගත හැකි සාප්පු යාමේදී නිර්දේශ කරනුයේ ඔබ නැවුම්ව සිටියදී ආහාරයට ගත හැකි බව ඔබ දන්නා ආහාර ද්‍රව්‍ය පමණක් මිලදී ගැනීමයි. ඔබේ ශීතකරණයේ අනවශ්‍ය ලෙස ගබඩා කර තැබීමෙන් ඔබ මුලින් සැලසුම් කළ ප්‍රමාණයට වඩා ආහාරයට ගත හැකිය.

Leave a Reply

Your email address will not be published.